49-сонли мактабда фан ойлиги якунида тадбир ўтказилди
Умумий ўрта таълим мактабларида ўқувчиларга қай даражада билим берилаётганлиги, ўқувчиларнинг Давлат таълим стандартларида белгиланган билим кўникма ва малакаларни қай даражада ўзлаштирилаётганлигини баҳолаб боришда, таълим сифат ва самарадорлигини оширишда фан ойликлари муҳим аҳамият касб этади. Шу билан бир қаторда фан ойликлари иқтидорли ўқувчиларнинг қобилиятларини маълум бир мақсадга йўналтириш, истеъдодли, изланувчан, ижодкор ўқитувчиларни аниқлаш, уларнинг тажрибаларини оммалаштириш, таълим-тарбия жараёнида қўлланилаётган услубларни такомиллаштиришга ҳам хизмат қилади.
Шу боисдан ҳам туманимиз мактабларида ўқув йилининг ҳар бир ойида маълум фанлар ойликларини юксак савияда ўтказишга ҳаракат қилинади. Хусусан, якунланган октябрь ойи ўзбек тили ва адабиёт фан ойлиги, дея белгиланганлиги муносабати билан мактабларда фан ўқитувчилари ёш авлодга чуқур билим бериш билан бирга кўпгина маънавий-маърифий тадбирлар ўтказишиб, бутун салоҳиятини намойиш этишди. Ижодкор ўқувчи-ёшларга алоҳида эътибор қаратилди.
49-сонли мактабда ҳам ойлик муваффақиятли якунланди. Ойликнинг ҳар бир ҳафтаси маълум мақсадларни қамраб олганлиги, айниқса, аҳамиятли бўлди. Шу асосда турли олийгоҳлар талабалари бўлган мактабнинг собиқ битирувчилари, элда обрў-эътиборли, зиёли инсонлар билан учрашувлар, давра суҳбатлари ўтказилди. Ўқувчилар билан улар севган адабий қаҳрамон, бадиий асарлар юзасидан савол-жавоблар, она тилимиз имконияти ва ривожланиш жараёнлари хусусида суҳбатлар ўтказилди.
Она тилимизнинг беқиёс жозибаси, бой ва улуғлигини ўқувчиларга чуқур сингдиришга ҳаракат қилинди.
30 октябрь куни мактабнинг 5-11-синфлари ўқувчилари иштирокида фан ойлигининг якуний тадбири ўтказилди.
Тадбирга мактаб раҳбариятидан вакиллар тажрибали ўқитувчилар иштирок этилди ва ойлик доирасида қилинган ишларга ҳолисона баҳо беришди.
Тадбирда ойлик давомида амалга оширилган ишлар сарҳисоб қилинди. Вужудимизга она алласи билан кирган она тилимизнинг дилимизга нақадар яқинлиги, жозибадорлиги, уни чуқур ўрганиш – ҳар бир ўқувчининг муқаддас бурчи эканлиги таъкидланди.
Тадбирда сўзга чиққан мактабнинг маънавий-маърифий ишлар бўйича директор ўринбосари Раматилло Ортиқов ойликни муваффақиятли ўтказишга эришган она тили ва адабиёт фани ўқитувчилари Гулора Абдуллаева, Нилуфар Абдуллаева, Нилуфар Хўжаниёзоваларга ўз миннатдорлигини билдирди ва ўқувчиларни барча фанларни айниқса ўз она тилимиз – ўзбек тили ва адабиётини мукаммал ўрганишга, келгусида давримизга муносиб бўлиб улғайишга чақирди.
Тадбир сўнгида фан ойлигида ўз иқтидорини, билимини намойиш этган фаол ўқувчилар рағбатлантирилди. Бу уларни янада чуқур билим олишга руҳлантирди.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
