Келажак сари дадил қадам
Кимки ўз она Ватанини, ота-онасини, туғишганларини сидқилдан севса, дунёда лоқайд яшай олмайди. Балки, кўнгли ардоғидаги инсонларнинг, юртининг эртанги кунига ўзини масъул, дахлдор деб билади, эртаси бугунидан-да фараҳли, тинч-осойишта бўлишига интилади.
Отабекни умумтаълим мактабида ҳам, 3-сонли Амударё академик лицейида ҳам қунт билан ўқиб-ўрганишга, оиласига, Ватанига муносиб фарзанд бўлиб камолга етишга ундаган туйғулар ҳам онасининг, юртнинг корига яраш, муносиб хизмат қилиш орзуси бўлса, ажаб эмас.
Шу боисдан-да у дарс машғулотларига фаол қатнашиб, ҳар бир дарсдан ўзига керакли билимларни олишга интилди, билмаганларини сўраб ўрганишдан эринмади. Дарсдан бўш вақтлари дарсдан ташқари қўлланмаларни ўқиб, ўрганиб, билимини мустаҳкамлади. Натижалар эса уни талабалик бахтига мушарраф этди.
Асли "Оқ олтин” овулида туғилиб ўсган Отабек Бозорбоев жорий йилда 3-сонли Амударё академик лицейини тугаллаб, Тошкент олий умумқўшин қўмондонлик билим юртининг чегара қўшинлари бўлимига ҳужжат топшириб, тест синовларидан муваффақиятли ўтиб, талабаликка қабул қилинди. Отабек билан ана шу хушхабардан сармаст дамларида учрашдик.
- Одам ўз олдига қатъий мақсад қўйиб, чинакамига интилса, албатта ниятига етар экан. Менга осонроқ йўлни маслаҳат берганлар кўп бўлди, олий ҳарбий билим юртларига ўқишга киришнинг ўзи бўлмайди, дейишди. Бироқ мен аҳдимдан қайтмадим. Бутун вақтимни тайёргарликка, ўқиб-ўрганишга бағишладим. Мана, талаба бўлдим, - дейди қувончи ичига сиғмай.
Орзу-интилишлари илк ғунча очган Отабек Бозорбоев бу ютуқларининг сабабчиси юртимизда ёшларга яратилаётган шароитлар, устозлари фидойилиги, деб ҳисоблайди.
У олий ҳарбий билим юртини муваффақиятли тугатиб, Ватанимиз сарҳадлари дахлсизлигини сақлашга ҳисса қўшишдек эзгу ниятни кўнглига тугиб қўйган.
Орзуларинг амалга ошаверсин, Отабек!
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
