ВАТАН МУДОФААСИГА МУНОСИБ ҲИССА ҚЎШАМИЗ
Ўзбекистон Республикасини 2017-2021 йилларда ривожлантириш бўйича Ҳаракатлар стратегиясида Ватанимиз Мудофаа соҳаси бўйича белгиланган вазифаларнинг адо этилиши, ҳарбий соҳанинг энг муҳим йўналишлари бўйича амалга оширилган тизимли ва стратегик чора-тадбирлар туфайли миллий Армиямизнинг жанговар шайлиги ва умуман, мамлакатимизнинг мудофаа қобилияти ошди. Соҳага замонавий ахборот-коммуникация технологиялари ва илғор инновациялар кенг татбиқ этилмоқда.
Шуниси эътиборлики, ҳарбий соҳани янада ривожлантириш бўйича олиб борилаётган ислоҳотлар энг аввало халқимизнинг тинчлиги ва хавфсизлигини, осойишталигини сақлашга қаратилгани билан аҳамиятлидир.
Шу боисдан ҳам 14 январь – Ўзбекистон Республикаси Қуролли Кучлари ташкил топган сана ва Ватан ҳимоячилари кунини барча юртдошларимиз улкан байрам қилишади.
Жорий йил 14 январда миллий Армиямиз ва Қуролли Кучларимиз ташкил топганига 30 йил тўлади. Мамлакатимизнинг барча ҳудудларида сана муносабати билан турли байрам тадбирлари ўтказилмоқда, ёшлар кўнглида миллий Армиямизнинг салоҳиятига, қудратига ишонч ва ҳурмат руҳини тарбиялаш, Ватанимиз суверенитети ва ҳудудий яхлитлигини, халқимизнинг тинч-осойишталигини шараф билан ҳимоя қилиб келаётган ҳарбийлар ҳаёти билан уларни яқиндан таништириш мақсадида ўтказилаётган тадбирлар барча иштирокчиларда улкан таассуротлар қолдираяпти, Ватан ҳимояси ҳар бир йигит учун муқаддас бурч эканлиги кўнгилларига теран жойланаяпти.
Ҳарбий хизмат остонаси ҳисобланмиш туман Мудофаа бўлимида ҳам миллий Армиямиз сафларини илмли, салоҳиятли, кучли ва юрт учун фидойи ёшлар билан бутлаш мақсадида йил давомида узлуксиз ҳаракатлар олиб борилади. Натижада муддатли ҳарбий хизматга энг муносиб йигитлар сараланиб, жўнатилмоқда, муддатли ҳарбий хизматга саралашда белгиланган меъзонларга жавоб бера олмаган, ёхуд ўзи ихтиёрий равишда сафарбарлик чақирув резервида хизмат қилишни танлаган йигитлар сафарбарлик чақирув резерви хизматига олинмоқда.
Шунингдек, ҳарбий соҳани танлаб, олий ҳарбий билим юртларда, “Темурбеклар мактаби”да ўқиш истагида бўлган ёшларга йўлланмалар берилаяпти.
Туман Мудофаа ишлари бўлими муддатли ҳарбий хизматдан захирага бўшатилган йигитлар тақдирига ҳам бефарқ эмас. Уларнинг ўз хоҳишларига кўра ишга жойлашишларига, муносиб ҳаёт кечиришларига ҳам интиламиз ва ҳаракат қиламиз.
Инсоният учун тинчлик, осойишталикдан ҳам улуғ, бебаҳо неъмат йўқ. Бугун юртимизда амалга оширилаётган юксак тараққиёт, янгиланишлар, ривожланишлар замирида халқимизнинг тинч-осуда ҳаёти, эртаги кунига мустаҳкам ишончи мужассамдир. Бу мамлакатимиз сарҳадларини ишончли ҳимоя қилиб келаётган аскарларимиз фидойилиги самараси эканлиги барчага аён. Улар кечани-кеча, кундузни-кундуз демай, қаҳратон совуқда ҳам, жазирама иссиқда ҳам ўз постларида собит туриб, осойишталигимизни кўз қорачиғидай асрамоқдалар. Миллий армиямиз ҳарбий ватанпарварлик, ҳарбий қурилиш ва ҳарбий саноат соҳасида дунёдаги энг илғор тажрибаларни қўллаган ҳолда чегараларимиз хавфсизлигини таъминлашнинг ишончли кафолатига айлангани барча халқларнинг бахтидир.
Биз туман Мудофаа ишлари бўлими ходимлари Миллий армиямиз сафларини чуқур билим ва интеллектуал салоҳиятга, ўз муқаддас ҳарбий бурчини адо этиш йўлида қатъий ирода ва мустаҳкам тайёргарликка эга, она юртимизга садоқатли, мард ўғлонлар билан бутлашга хизмат қилаётганимиздан, ўқувчи-ёшларни ҳарбий ватанпарварлик руҳида тарбиялашга ҳисса қўшаётганимиздан хурсандмиз.
Азиз юртдошлар! 14 январь умумхалқ байрамидир. Барчангизга ушбу қутлуғ ва ша-рафли кун муборак бўлсин!
Б.АТАКОВ, туман Мудофаа ишлари бўлими
бошлиғи, подполковник.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
