Билим инсонни улуғлайди
Куз фасли кириб келиши билан барча ўқувчилар ва талабалар илм масканларига йўл олишади. Ўқишларни якунлаб, олий ўқув юрти талабаси бўлишни, ўзимиз хоҳлаган касбнинг етук мутахассиси бўлишни ҳар биримиз орзу қиламиз. Инсон ҳаёти давомида улкан орзулар билан яшайди. Бирор маррага эришдингизми, яна янги орзу истаклар пайдо бўлаверади. Инсон ҳаёти шу орзулар билан гўзал.
Устозларимиз доим "Билим олиш – игна билан қудуқ қазиш билан баробар” дейишади. Олий ўқув юртларида таҳсил олаётган ака-опаларимизга жуда ҳавас қиламан. Лицейимизни тугатиб, Давлат тест имтиҳонларидан муваффақиятли ўтган абитуриентлар олий ўқув юртида ўқишни бошлаб ҳам юборишди.
Жорий йилда бизнинг 3-сонли Амударё академик лицейимиз битирувчиларининг 42 фоизи олий ўқув юртига ўқишга қабул қилинганлиги қувонарли ҳолат, албатта. Бугун олий ўқув юрти талабаси бўлишни истаган ва бу йўлда тинмай меҳнат қилаётган ёшлар сафи ортмоқда. Бу эса ёшларнинг илмга чанқоқлигидандир.
Ўқиш-интилиш фақатгина бизга олий ўқув юрти талабаси бўлиш бахтини бериш билан кифояланиб қолмайди. Билим тошга ўйилган нақш. У қанча кўп бўлса, инсон шу қадар камол топаверади, улуғланаверади.
Буюк бобомиз Абу Али Ибн Синонинг "Мен шунча ўқидим, кўп нарсалар кўрдим, аммо ортимга назар ташласам, олган билимларим денгиздан томчи экан”, деган сўзлари ҳар биримизга дастуриламал бўлмоғи керак.
Юлдуз ТУРСУНБОЕВА,
Амударё академик лицейи ўқувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
