ЁНҒИНГА ҚАРШИ КУРАШ МАВЗУСИДА ТАДБИР ЎТКАЗИЛДИ
Инсониятнинг энг буюк кашфиётларидан бири бўлган олов инсон ҳаётида муҳим аҳамият кашф этиши билан бирга, унга нисбатан зарур хавфсизлик чораларини кўришни ҳам талаб этади. Оловдан фойдаланишга оид қоидаларга беписандлик билан қараш эса ҳаёт учун хавфли бўлган ёнғиннинг келиб чиқишига сабаб бўлиши мумкин. Тилсиз ёв айниқса, ёш болаларни ўзига тезда жалб этади.
Яқинда 48-сонли умумтаълим мактабида ёнғинга қарши курашиш мавзусида кўргазмали тадбир ўтказилди. Унда мактаб ўқитувчилари, ўқувчилари иштирок этдилар.
Тадбир ташкилотчилари туман Фавқулодда вазиятлар бўлими бошлиғи Б.Ўролов ва ишчи- ходимлари йиғилганларга ёнғинни келтириб чиқарувчи сабаблар, ёнғиннинг даҳшатли асоратлари ва етказиши мумкин бўлган талофатлари хусусида маърузалар қилдилар. Ёнғинлар ва фавқулодда вазиятларнинг олдини олиш, ёнғин содир бўлганда ҳаракатланиш тартиб-қоидалари тўғрисида батафсил тушунчалар берилди. Қутқарув, биринчи тиббий ёрдам, эвакуация, қўриқлаш хизмати гуруҳи, алоқа ва ёнғинга қарши кураш каби қатор гуруҳларнинг ёнғин вақтида ҳаракатланиши қоидалари кўргазмали равишда намойиш этилди. Тадбир сўнггида мутахассислар томонидан ўқувчиларнинг техника хавфсизлиги қоидалари, фуқаро муҳофазаси, ёнғин хавфсизлиги қоидаларига амал қилиш ва махсус ёнғин-қутқарув ва асбоб-анжомлари ҳамда воситаларининг техник-тактик хусусиятлари борасидаги саволларига атрофлича жавоб бердилар.
Ўктам Қўшназаров, 48 сонли мактаб директори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
