YoNGʻINGA QARShI KURASh MAVZUSIDA TADBIR OʻTKAZILDI
Insoniyatning eng buyuk kashfiyotlaridan biri boʻlgan olov inson hayotida muhim ahamiyat kashf etishi bilan birga, unga nisbatan zarur xavfsizlik choralarini koʻrishni ham talab etadi. Olovdan foydalanishga oid qoidalarga bepisandlik bilan qarash esa hayot uchun xavfli boʻlgan yongʻinning kelib chiqishiga sabab boʻlishi mumkin. Tilsiz yov ayniqsa, yosh bolalarni oʻziga tezda jalb etadi.
Yaqinda 48-sonli umumtaʼlim maktabida yongʻinga qarshi kurashish mavzusida koʻrgazmali tadbir oʻtkazildi. Unda maktab oʻqituvchilari, oʻquvchilari ishtirok etdilar.
Tadbir tashkilotchilari tuman Favqulodda vaziyatlar boʻlimi boshligʻi B.Oʻrolov va ishchi- xodimlari yigʻilganlarga yongʻinni keltirib chiqaruvchi sabablar, yongʻinning dahshatli asoratlari va yetkazishi mumkin boʻlgan talofatlari xususida maʼruzalar qildilar. Yongʻinlar va favqulodda vaziyatlarning oldini olish, yongʻin sodir boʻlganda harakatlanish tartib-qoidalari toʻgʻrisida batafsil tushunchalar berildi. Qutqaruv, birinchi tibbiy yordam, evakuatsiya, qoʻriqlash xizmati guruhi, aloqa va yongʻinga qarshi kurash kabi qator guruhlarning yongʻin vaqtida harakatlanishi qoidalari koʻrgazmali ravishda namoyish etildi. Tadbir soʻnggida mutaxassislar tomonidan oʻquvchilarning texnika xavfsizligi qoidalari, fuqaro muhofazasi, yongʻin xavfsizligi qoidalariga amal qilish va maxsus yongʻin-qutqaruv va asbob-anjomlari hamda vositalarining texnik-taktik xususiyatlari borasidagi savollariga atroflicha javob berdilar.
Oʻktam Qoʻshnazarov, 48-sonli maktab direktori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
