ЯНГИЛАНАЁТГАН ЮРТ ШУКУҲИ
Бугунги шиддат билан ривожланиб, янгиланаётган замонга мос равишда юртимиз ҳам ўзгариб чирой очиб бормоқда. Биз кечагина атак-чечак қилиб юрган, копток ўйнаб чангитган бу тупроқ кўчаларнинг ўрнини бугун замонавий, ёруғ ва кенг кўчалар эгаллаган. Тонгда уйғониб, хонангиз деразасидан атрофга қарар экансиз, қандайдир ўзгариш, янгиланишларга кўзингиз тушади. Шунда беихтиёр лабингизда ним табассум билан “Яратганга шукур, шундай тинч ва хотиржам юртда яшаётганим учун”, дея хотирингиздан ўтказасиз.
Ҳа, албатта, буларнинг барчаси тинч ва инсон зоти улуғланадиган юртда яшаётганлигимиздан далолатдир. Шу кунларда ватандошларимиз қалбида ўзгача шукуҳ бор. Негаки, биз учун энг муқаддас саналадиган Мустақиллик байрамига ҳам оз фурсатлар қолди. Мазкур йилги байрамнинг шиори ҳам қадимий анъаналардан келиб чиқиб, "Янги Ўзбекистонда эл азиз, инсон азиз" дея номланиши бежизга эмас. Кундан-кунга чирой очиб бораётган, янгиланаётган юртимизда яшаб келаётган ҳар бир инсон азиз ва мукаррамдир.
Биз ёшлар учун яратилаётган имкониятлар ҳам фикримизнинг яққол далилидир. Ижтимоий тармоқларни кузатар эканман, ёшлар учун эълон қилинаётган танловларни кўриб, ҳукуматимиз томонидан берилаётган бундай эътибордан янада руҳланаман.
Мана яқинда Ҳиндистонда бўлиб ўтган Халқаро шахмат олимпиадасида ҳамюртларимиз биринчиликни қўлга киритдилар. Бунинг мукофоти сифатидаги уларнинг юқори даражада кутиб олингани, “Президент совғаси” тақдим этилишининг ўзи ҳам ёш шахматчиларимизни янада руҳлантиргани бор гап.
Бундай ривожланишлардан туманимиз ҳам ортда қолаётгани йўқ, жумладан, шу йили республикамизда ўтказилган “Ёш китобхон оила” танлови ғолибларининг бизнинг туманимиздан эканлиги ёшларимизнинг янада олға интилишларига сабаб бўлаётган бўлса, бизнинг 36-сонли мактабимизга 180 ўринли қўшимча бино қурилиши биз ёшларга имкониятлар кенгаяётганига далилдир. Берилаётган бундай имкониятлардан унумли фойдаланиб, биз ҳам шунга мос равишда юртимиз истиқболи учун бўлаётган барча чорловларга “лаббай” дея жавоб берамиз!
Муҳайё Каримова,
36-сонли мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
