МАКТАБДА ВАТАНПАРВАРЛИК ДАРСИ ЎТИЛДИ
Келажагимиз ворисларини она Ватанга садоқат, миллий қадриятларимизга ҳурмат руҳида тарбиялаш, ёшлар қалбида мардлик, жасурлик, шижоат ва матонат туйғуларини камол топтириш бугунги кундаги муҳим вазифалардан бири саналади.
Шу сабабли умумтаълим мактабларида ватанпарварлик соатлари ташкил этилиб, Ватанимиз тинчлигини асраш йўлида олиб борилаётган ислоҳотлар ва бу саъй-ҳаракатлардан кўзланган улуғвор мақсадлар хусусида маълумотлар бериб борилади.
Шу йил 6 октябрь куни 36-сонли мактабда туман Қўриқлаш бўлими ходими М.Яхшимурадов бир соатлик дарс давомида ўқувчи-ёшларга ватанпарварлик туйғуси, юрт озодлиги учун курашган буюк аждодларимиз жасорати, дунёда кечаётган турли мафкуравий таҳдидлар, уларга қарши маънавий иммунитетни мустаҳкамлашда китобхонликнинг аҳамияти кабилар тўғрисида сўзлади.
Айтиш жоизки, ҳарбий-ватанпарварлик тарбияси умумий тарбиянинг таркибий қисми бўлиб, ёшларда Ватанни фидокорона ҳимоя қилишга тайёрлик ва бунга қодирликни шакллантиришга йўналтирилган. Бугунги кунда мамлакатимизда Янги Ўзбекистонни барпо этишдек улуғ мақсадга эришиш йўлида асосий таянчимиз бўлган азм-у шижоатли ёшларга эътибор ва ғамхўрлик кўрсатиш, уларга барча соҳаларда ўз иқтидори ва салоҳиятини тўлиқ намоён этиши учун зарур шароит ва имкониятлар яратиб бериш давлат сиёсатининг устувор йўналиши ҳисобланади.
Ёшлар қалбида мардлик, жасурлик, шижоат ва матонат туйғуларини камол топтириш мақсадида ўтказилган ватанпарварлик дарси ўқувчиларга жуда манзур бўлди.
Э.Юсупов, туман Қўриқлаш бўлими
Техник қўриқлаш маркази бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
