МУЛКДОРЛИК ҲУҚУҚИНИНГ МУСТАҲКАМ КАФОЛАТИ
Давлатимизнинг демократик сиёсати инсон ҳуқуқи ва эркинликларини таъминлашга қаратилган қонун ва қонуности ҳужжатларида ўз аксини топган. Бош Қомусимиз – Конституцияга халқпарварлик ғоялари чуқур сингдирилган. Конституциямиз юртимизда эркин бозор муносабати ва хусусий мулк устуворлигига асосланган иқтисодиётни ривожлантириш каби фаровон ҳаётимизни таъминлашга қаратилган эзгу ғояларнинг ҳуқуқий пойдевори бўлиб хизмат қилиб келмоқда. Бош Қомусимизнинг 36-моддасида ҳар бир шахс мулдор бўлишга ҳақли эканлиги, банкка қўйилган омонатлар сир тутилиши ва мерос ҳуқуқи қонун билан кафолатланиши белгилаб қўйилган.
Жамиятимизда мулкдорлар ва фаол тадбиркорлар сафининг йилдан-йилга кенгайиб бориши одилона ислоҳотларимизнинг самарасини ифодалайди.
Дўстлик маҳалласи ҳудудида 2018 йилдан фаолиятини бошлаган Раҳматжон Тоҳиров раҳбарлигидаги «Амударё хизмат кўрсатиш маркази» МЧЖ ҳам юртимиз иқтисоди ривожига ўзининг муносиб ҳиссасини қўшиб келмоқда.
Жамият фаолиятининг илк давридан буён электр ускуналарини ишлаб чиқариб, аҳолига сифатли хизмат кўрсатиб келмоқда. Бугунги кунда жамиятда ишлаб чиқариш бўлими муҳандиси Жонибек Вафоев ва яна 14 нафар ҳам-юртимизнинг доимий бандлиги таъминланган. Раҳматжон Тоҳиров «Қорақалпоқ ҳудудий электр тармоқлари корхонаси» Амударё туман бўлимида 2010 йилда электрик-монтёр сифатида иш бошлаган. Иш фаолияти давомида соҳадан яхши даромад кўришга қизиқиб, ўзининг раҳбарлигида «Амударё хизмат кўрсатиш маркази» МЧЖни ташкил қилди. У туманимизда қурилаётган объектларда электрлаштириш ишларини олиб боради. Суҳбатимиз давомида Раҳматжон Тоҳиров халқимизга хизмат кўрсатиш катта масъулият эканлигини, ҳамиша истеъмолчиларнинг ишончида бўлиш улкан шараф эканлигини таъкидлади.
Мамлакатимизда тадбиркорлар сафи кўпайиши натижасида иқтисодимиз ўсишига эришилмоқда. Бош Қомусимиз - Конституция асосида ҳукуматимиз томонидан ишлаб чиқилган қонунлар ва қонуности ҳужжатлари тадбиркорларнинг фаолияти ривожига мустаҳкам ҳуқуқий замин бўлиб хизмат қилмоқда.
Шоҳзод Қурбонбоев.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
