MULKDORLIK HUQUQINING MUSTAHKAM KAFOLATI
Davlatimizning demokratik siyosati inson huquqi va erkinliklarini taʼminlashga qaratilgan qonun va qonunosti hujjatlarida oʻz aksini topgan. Bosh Qomusimiz – Konstitutsiyaga xalqparvarlik gʻoyalari chuqur singdirilgan. Konstitutsiyamiz yurtimizda erkin bozor munosabati va xususiy mulk ustuvorligiga asoslangan iqtisodiyotni rivojlantirish kabi farovon hayotimizni taʼminlashga qaratilgan ezgu gʻoyalarning huquqiy poydevori boʻlib xizmat qilib kelmoqda. Bosh Qomusimizning 36-moddasida har bir shaxs muldor boʻlishga haqli ekanligi, bankka qoʻyilgan omonatlar sir tutilishi va meros huquqi qonun bilan kafolatlanishi belgilab qoʻyilgan.
Jamiyatimizda mulkdorlar va faol tadbirkorlar safining yildan-yilga kengayib borishi odilona islohotlarimizning samarasini ifodalaydi.
Doʻstlik mahallasi hududida 2018-yildan faoliyatini boshlagan Rahmatjon Tohirov rahbarligidagi «Amudaryo xizmat koʻrsatish markazi» MChJ ham yurtimiz iqtisodi rivojiga oʻzining munosib hissasini qoʻshib kelmoqda.
Jamiyat faoliyatining ilk davridan buyon elektr uskunalarini ishlab chiqarib, aholiga sifatli xizmat koʻrsatib kelmoqda. Bugungi kunda jamiyatda ishlab chiqarish boʻlimi muhandisi Jonibek Vafoyev va yana 14 nafar ham-yurtimizning doimiy bandligi taʼminlangan. Rahmatjon Tohirov «Qoraqalpoq hududiy elektr tarmoqlari korxonasi» Amudaryo tuman boʻlimida 2010-yilda elektrik-montyor sifatida ish boshlagan. Ish faoliyati davomida sohadan yaxshi daromad koʻrishga qiziqib, oʻzining rahbarligida «Amudaryo xizmat koʻrsatish markazi» MChJni tashkil qildi. U tumanimizda qurilayotgan obʼektlarda elektrlashtirish ishlarini olib boradi. Suhbatimiz davomida Rahmatjon Tohirov xalqimizga xizmat koʻrsatish katta masʼuliyat ekanligini, hamisha isteʼmolchilarning ishonchida boʻlish ulkan sharaf ekanligini taʼkidladi.
Mamlakatimizda tadbirkorlar safi koʻpayishi natijasida iqtisodimiz oʻsishiga erishilmoqda. Bosh Qomusimiz - Konstitutsiya asosida hukumatimiz tomonidan ishlab chiqilgan qonunlar va qonunosti hujjatlari tadbirkorlarning faoliyati rivojiga mustahkam huquqiy zamin boʻlib xizmat qilmoqda.
Shohzod Qurbonboyev.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
