ИНСОНЛАРНИНГ ҲУҚУҚЛАРИ СУД ОРҚАЛИ ҲИМОЯЛАНАДИ
Давлат фуқароларнинг Конституция ва қонунларда мустаҳкамланган ҳуқуқлари ва эркинликларини таъминлайди. Конституциямизнинг 44-моддасида ҳар бир шахсга ўз ҳуқуқ ва эркинликларини суд орқали ҳимоя қилиш, давлат органлари, мансабдор шахслар, жамоат бирлашмаларининг ғайриқонуний хатти-ҳаракатлари устидан судга шикоят қилиш ҳуқуқи кафолатланади, дейилган.
Ҳар бир инсон, яъни юртимиз фуқаролари, чет эл фуқаролари ва фуқаролиги бўлмаган шахслар давлат органлари ва бошқа органларнинг, мансабдор шахсларнинг ҳар қандай ғайриқонуний хатти-ҳаракатларидан ёки қарорларидан, шунингдек, ҳаёти ва соғлиғи, шаъни ва қадр-қиммати, шахсий эркинлиги ва мол-мулки, бошқа ҳуқуқ ва эркинликларига тажовузлардан суд ҳимоясида бўлиш ҳуқуқига эга.
Ҳар қандай манфаатдор шахс бузилган ёки низолашилаётган ҳуқуқи ёхуд қонун билан қўриқланадиган манфаатини ҳимоя қилиш учун фуқаролик суд ишларини юритиш тўғрисидаги қонун ҳужжатларида белгиланган тартибда фуқаролик ишлари бўйича судга мурожаат қилишга ҳақли. Шунингдек, 2021 йилнинг 27 апрелидаги “Ўзбекистон Республикасининг Конституциявий суди тўғрисида”ги Конституциявий қонунга кўра фуқаролар ва юридик шахслар қонунларнинг Конституцияга мувофиқлигини текшириш тўғрисидаги шикоят билан Конституциявий судга мурожаат этишга ҳақлилиги ҳам белгиланган.
Инсонларнинг қонунларда белгилаб қўйилган ҳар қандай ҳуқуқлари судда ҳимоя қилинади. Суд эса ўз фаолиятини Конституциямиз ва адолатли, инсонпарвар қонунларимиз асосида амалга оширади.
Қ.Атамуродов, Фуқаролик ишлари бўйича Амударё тумани суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
