БАРЧА БУНЁДКОРЛИК ИШЛАРИ ХАЛK ФАРОВОНЛИГИ УЧУН

Тарихга муҳрланаётган 2022 йилда Амударё тумани ҳудудида барча манбалар ҳисобидан 77 та объектда қиймати 112,7 млрд. сўмлик қурилиш-таъмирлаш ишларини амалга ошириш режалаштирилган  бўлиб, инвестиция дастури доирасида Ўзбекистон Республикаси Президентининг соҳага оид Қарорлари ижросини таъминлаш мақсадида 7 та объектда қурилиш-таъмирлаш ишлари муваффақиятли тарзда олиб борилмоқда. Инвестиция дастури доирасида "Манғит арна" каналининг 4,8 км. қисмини реконструкция қилиш бўйича ишлар сифатли давом эттирилмоқда. Шунингдек, ушбу дастур  доирасида 18-сонли, 36-сонли, 56-сонли, 39-сонли мактаблар бинолари тўлиқ реконструкция қилинди. 17,5 км. узунликдаги ичимлик суви тармоғини тортиш ишлари ниҳоясига етказилди.

Қорақалпоғистон Республикасини ижтимоий-иқтисодий ривожлантириш дастурига кўра, туманда умумий қиймати 40 млрд. 321,9 млн. сўмлик бўлган 7 та объектда қурилиш-таъмирлаш ва реконструкция қилиш ишлари белгиланган эди. Мазкур дастур доирасида 28-сонли МТТ, 14-сонли, 55-сонли, 76-сонли мактаблар тўлиқ реконструкция қилинди ва лойиҳа қиймати 14 млрд. 237,8 млн. сўмлик 90 ўринли янги туғруқхона биносини қуриш ҳамда лойиҳа қиймати 2 млрд. 252,9 млн. сўм бўлган Манғит шаҳрининг Баркамол авлод, Жумуртов, Тадбиркорлар, Шифокорлар ва Халқлар дўстлиги кўчаларида Саломатлик йўлакчаларини барпо этиш ишлари жадал суръатларда давом эттирилмоқда.

Туманда аҳолини уй-жой билан таъминлаш мақсадида Манғит шаҳрининг Фаровон МФЙ ҳудудида 2022 йил давомида буюртмачи ташкилотлар томонидан 6 та, тадбиркорлар томонидан 4 та, ҳар бирининг қиймати 5,5 млрд. сўмлик, жами 10 та кўп қаватли турар жойлар қуриш режалаштирилган бўлиб, мазкур ҳудуддаги қурилиш ишлари сифатли давом эттирилмоқда.

Жорий йилда “Осиё тараққиёт банки” маблағлари ҳисобидан 33,41 млн. долларлик 3 та сув тақсимлаш иншоотини қуриш ва реконструкция қилиш ҳамда 291 км. узунликдаги ичимлик сув магистраль ва ички тармоқларида реконструкция қилиш ишлари амалга оширилмоқда.

“Обод қишлоқ” ва “Обод маҳалла” дастури бўйича 2022 йилда ижтимоий-иқтисодий муаммолари энг кўп бўлган ҳудудлар ўрганиб чиқилиб, Аёқчи маҳалласи ва Тўлқин овули мазкур дастурларга киритилди ва ушбу ҳудудларда кенг қамровли қурилиш-таъмирлаш,  реконструкция ишлари амалга оширилиб, янги алоқа линияларини тортиш ишлари давом эттирилмоқда.

Туманда амалга оширилаётган жамики бунёдкорлик ишлари халқ фаровонлигини таъминлашга қаратилгани билан муҳим аҳамиятга эга.

Н.Камолов, туман ҳокими ўринбосари.