BARChA BUNYoDKORLIK IShLARI XALK FAROVONLIGI UChUN

Tarixga muhrlanayotgan 2022-yilda Amudaryo tumani hududida barcha manbalar hisobidan 77 ta obʼektda qiymati 112,7 mlrd. soʻmlik qurilish-taʼmirlash ishlarini amalga oshirish rejalashtirilgan  boʻlib, investitsiya dasturi doirasida Oʻzbekiston Respublikasi Prezidentining sohaga oid Qarorlari ijrosini taʼminlash maqsadida 7 ta obʼektda qurilish-taʼmirlash ishlari muvaffaqiyatli tarzda olib borilmoqda. Investitsiya dasturi doirasida "Mangʻit arna" kanalining 4,8 km. qismini rekonstruktsiya qilish boʻyicha ishlar sifatli davom ettirilmoqda. Shuningdek, ushbu dastur  doirasida 18-sonli, 36-sonli, 56-sonli, 39-sonli maktablar binolari toʻliq rekonstruktsiya qilindi. 17,5 km. uzunlikdagi ichimlik suvi tarmogʻini tortish ishlari nihoyasiga yetkazildi.

Qoraqalpogʻiston Respublikasini ijtimoiy-iqtisodiy rivojlantirish dasturiga koʻra, tumanda umumiy qiymati 40 mlrd. 321,9 mln. soʻmlik boʻlgan 7 ta obʼektda qurilish-taʼmirlash va rekonstruktsiya qilish ishlari belgilangan edi. Mazkur dastur doirasida 28-sonli MTT, 14-sonli, 55-sonli, 76-sonli maktablar toʻliq rekonstruktsiya qilindi va loyiha qiymati 14 mlrd. 237,8 mln. soʻmlik 90-oʻrinli yangi tugʻruqxona binosini qurish hamda loyiha qiymati 2 mlrd. 252,9 mln. soʻm boʻlgan Mangʻit shahrining Barkamol avlod, Jumurtov, Tadbirkorlar, Shifokorlar va Xalqlar doʻstligi koʻchalarida Salomatlik yoʻlakchalarini barpo etish ishlari jadal surʼatlarda davom ettirilmoqda.

Tumanda aholini uy-joy bilan taʼminlash maqsadida Mangʻit shahrining Farovon MFY hududida 2022-yil davomida buyurtmachi tashkilotlar tomonidan 6 ta, tadbirkorlar tomonidan 4 ta, har birining qiymati 5,5 mlrd. soʻmlik, jami 10 ta koʻp qavatli turar joylar qurish rejalashtirilgan boʻlib, mazkur hududdagi qurilish ishlari sifatli davom ettirilmoqda.

Joriy yilda “Osiyo taraqqiyot banki” mablagʻlari hisobidan 33,41 mln. dollarlik 3 ta suv taqsimlash inshootini qurish va rekonstruktsiya qilish hamda 291 km. uzunlikdagi ichimlik suv magistral va ichki tarmoqlarida rekonstruktsiya qilish ishlari amalga oshirilmoqda.

“Obod qishloq” va “Obod mahalla” dasturi boʻyicha 2022-yilda ijtimoiy-iqtisodiy muammolari eng koʻp boʻlgan hududlar oʻrganib chiqilib, Ayoqchi mahallasi va Toʻlqin ovuli mazkur dasturlarga kiritildi va ushbu hududlarda keng qamrovli qurilish-taʼmirlash,  rekonstruktsiya ishlari amalga oshirilib, yangi aloqa liniyalarini tortish ishlari davom ettirilmoqda.

Tumanda amalga oshirilayotgan jamiki bunyodkorlik ishlari xalq farovonligini taʼminlashga qaratilgani bilan muhim ahamiyatga ega.

N.Kamolov, tuman hokimi oʻrinbosari.