КЎКСИМДАГИ ОРИМСАН, ВАТАН!
Бугун дунёда кечаётган мураккаб ва таҳликали вазиятда Ўзбекистон Республикасини ички ва ташқи таҳдидлардан ҳимоя қилишда, халқаро муносабатларда унинг миллий манфаатларини қўллаб-қувватлашда Давлат хавфсизлик хизматининг салмоқли ўрни бор.
Мен Давлат хавфсизлик хизмати Чегара Қўшинларига қарашли қисмда хизмат қиламан. Бу менинг болалигимдан орзуим бўлган, десам адашмаган бўламан.
Ҳозирги кунда Манғит шаҳрида жойлашган ҳарбий қисмда қисм командирининг тарбиявий ва мафкуравий ишлар бўйича ўринбосариман. Ҳарбий хизматчилар, муддатли ҳарбий хизмат бурчини ўтаётган аскарлар орасида ҳарбийлар бурчи ва масъулияти, соҳадаги янгиликлар ҳақида тез-тез суҳбатлар ўтказиб тураман. Биргаликда бадиий адабиётлар ўқиймиз, қўшиқлар айтамиз. Бундай жараёнларда уларнинг шу тинч-осойишта, жаннатмакон юртимизни севиши, уни ҳимоя қилишга қодир эканлигини ҳис қиламан.
Қисмимиз маъмурияти томонидан белгиланган режага мувофиқ чегара ҳудудлар аҳолиси билан учрашувлар ўтказиб, Ўзбекистон Республикасининг “Давлат чегараси тўғрисида”ги Қонуни мазмун-моҳиятини уларга кенг тушунтириб, чегараларимиз дахлсизлигига рахна солмасликни тарғиб этамиз.
Мактабларда ўқувчилар билан ҳарбий ватанпарварлик мавзусида ўтказаётган тадбирларимизда уларга Ватан ҳимояси ҳар бир йигитнинг муқаддас бурчи эканлигини кенг тушунтираяпмиз.
Ҳа, Ватан ҳимояси – муқаддас бурч. Она Юрт - кўксимиздаги оримиз каби буюкдир!
Ватанимиз чегараларини ёзнинг жазирамаси-ю қишнинг қаҳратонида ҳам собит туриб қўриқлаётган мард ва жасур, ориятли чегарачиларни, барча ҳарбий хизматчиларни 14 январь – Ватан ҳимоячилари куни билан самимий қутлайман!
Шерзод АТАЕВ, ҳарбий хизматчи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
