МУДДАТЛИ ҲАРБИЙ ХИЗМАТГА ЧАҚИРИЛУВЧИЛАР САРАЛАНМОҚДА
Конституциянинг 52-моддасида "Ўзбекистон Республикасини ҳимоя қилиш - Ўзбекистон Республикаси ҳар бир фуқаросининг бурчидир. Фуқаролар қонунда белгиланган тартибда ҳарбий хизматни ўташга мажбурдирлар", деб белгилаб қўйилган. Шунга мувофиқ Вазирлар Маҳкамасининг “Чақирилувчиларни танлаб олиш тўғрисида”ги Қарори асосида туманимизда 2023 йилги ҳарбий хизматга чақирилувчиларни саралаб олиш мақсадида танлов тадбирлари бўлиб ўтмоқда.
Муддатли ҳарбий хизматга (бир йиллик хизмат) танлов тадбирлари 2022 йилнинг 15 август кунидан бошланди ва жараён 2023 йилнинг 10 февраль кунига қадар давом этади. Танлов тадбирларида 18 ёшдан 27 ёшгача бўлган, ҳарбий хизматни ўтамаган йигитлар қатнашишлари лозимдир.
Танлов тадбирларида қўйилган синовлардан муваффақиятли ўтган ақлан ва жисмонан соғлом йигитлар муддатли ҳарбий хизматга жўнатилади.
Танлов 3 та йўналишда олиб борилади. Дастлаб чақирилувчиларнинг жисмоний тайёргарлик даражаси баҳоланади. Шундан сўнг, якка тартибда суҳбат ўтказилади. Якка тартибдаги суҳбат давомида чақирилувчининг маҳалла ва жамиятда тутган ўрни, оилавий аҳволи, обрў-эътибори, юриш-туриши, қизиқишлари, юртимиз тарихи, буюк саркардалар, аждодларимиз ҳаёти ва фаолиятига оид билимлари синовдан ўтказилади. Танловнинг якуний босқичида тиббий кўрикнинг якуний хулосасига кўра, жисмонан ва маънан етук йигитлар муддатли ҳарбий хизматга юборилади.
Мазкур танловда қатнашмаган чақирилувчилар Сафарбарлик чақирув резерви (бир ойлик ҳарбий хизмат) хизматига тайинланадилар.
Айни кунларда туман Мудофаа ишлари бўлимининг сафарбарлик чақирув бўлинмаси томонидан Қуролли Кучларимиз сафини жисмонан бақувват ва маънан етук чақирилувчилар билан тўлдириш мақсадида танлов тадбирлари олиб борилмоқда.
Ф.Эшимбетова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
