MUDDATLI HARBIY XIZMATGA ChAQIRILUVChILAR SARALANMOQDA
Konstitutsiyaning 52-moddasida "Oʻzbekiston Respublikasini himoya qilish - Oʻzbekiston Respublikasi har bir fuqarosining burchidir. Fuqarolar qonunda belgilangan tartibda harbiy xizmatni oʻtashga majburdirlar", deb belgilab qoʻyilgan. Shunga muvofiq Vazirlar Mahkamasining “Chaqiriluvchilarni tanlab olish toʻgʻrisida”gi Qarori asosida tumanimizda 2023-yilgi harbiy xizmatga chaqiriluvchilarni saralab olish maqsadida tanlov tadbirlari boʻlib oʻtmoqda.
Muddatli harbiy xizmatga (bir yillik xizmat) tanlov tadbirlari 2022-yilning 15-avgust kunidan boshlandi va jarayon 2023-yilning 10-fevral kuniga qadar davom etadi. Tanlov tadbirlarida 18 yoshdan 27 yoshgacha boʻlgan, harbiy xizmatni oʻtamagan yigitlar qatnashishlari lozimdir.
Tanlov tadbirlarida qoʻyilgan sinovlardan muvaffaqiyatli oʻtgan aqlan va jismonan sogʻlom yigitlar muddatli harbiy xizmatga joʻnatiladi.
Tanlov 3 ta yoʻnalishda olib boriladi. Dastlab chaqiriluvchilarning jismoniy tayyorgarlik darajasi baholanadi. Shundan soʻng, yakka tartibda suhbat oʻtkaziladi. Yakka tartibdagi suhbat davomida chaqiriluvchining mahalla va jamiyatda tutgan oʻrni, oilaviy ahvoli, obroʻ-eʼtibori, yurish-turishi, qiziqishlari, yurtimiz tarixi, buyuk sarkardalar, ajdodlarimiz hayoti va faoliyatiga oid bilimlari sinovdan oʻtkaziladi. Tanlovning yakuniy bosqichida tibbiy koʻrikning yakuniy xulosasiga koʻra, jismonan va maʼnan yetuk yigitlar muddatli harbiy xizmatga yuboriladi.
Mazkur tanlovda qatnashmagan chaqiriluvchilar Safarbarlik chaqiruv rezervi (bir oylik harbiy xizmat) xizmatiga tayinlanadilar.
Ayni kunlarda tuman Mudofaa ishlari boʻlimining safarbarlik chaqiruv boʻlinmasi tomonidan Qurolli Kuchlarimiz safini jismonan baquvvat va maʼnan yetuk chaqiriluvchilar bilan toʻldirish maqsadida tanlov tadbirlari olib borilmoqda.
F.Eshimbetova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
