МАҲАЛЛАЛАР ОБОД ГЎШАГА АЙЛАНАДИ
Мамлакатимизни ижтимоий-иқтисодий ривожлантириш, халқ билан доимий мулоқотда бўлиш ва турмуш фаровонлигини янада ошириш, айниқса қишлоқлар инфратузилмасини замон талаблари даражасига кўтариш мақсадида ҳудудларда секторлар раҳбарларининг фаолияти йўлга қўйилгани кўплаб муаммоларни жойида ва тезкор ҳал этиш имконини бермоқда.
Туман ҳудудидаги мавжуд муаммоларни бартараф этиш ва инфратузилмасини ривожлантириш мақсадида ажратилган маблағлар ҳисобидан 3-сектор ҳудудида қурилиш-таъмирлаш, бунёдкорлик ва ободонлаштириш ишларини амалга ошириш, ҳудуддаги овул ва маҳаллалар инфратузилмасини ривожлантириш мақсадида 1580,6 млн. сўмлик 5 та лойиҳани амалга ошириш 2022-2023 йил режасига киритилди.
Хусусан, 3-сектор ҳудудидаги Жумуровул маҳалласининг Шижоатли кўчасида истиқомат қилувчи аҳоли учун қулайлик яратиш, мазкур кўчанинг 1,2 км. қисмини жорий таъмирлаш мақсадида 222,5 млн. сўмлик маблағ ажратилди.
Шунингдек, Бўз ёп овул фуқаролар йиғини ҳудудидаги узунлиги 2,433 км. бўлган Янги ҳаёт-1-, 2-участка, Бўзариқ-1-, 2-, 3-участка кўчаларини, Дурунки маҳалласи ҳудудидаги узунлиги 0,392 км. бўлган Туркистон кўчасини, Бойовул маҳалласи ҳудудидаги узунлиги 0,610 км. бўлган Баҳор кўчасини, Оқ олтин овул фуқаролар йиғини ҳудудидаги узунлиги 1,097 км. бўлган Деҳқонобод-1 ва Деҳқонобод-2 кўчаларини жорий таъмирлаш режалаштирилган.
Айни пайтда барча объектларнинг тендер савдолари ниҳоясига етиб, белгиланган тартибда пудратчи ташкилотлари аниқланди ва 5 та объектда ҳам қурилиш ишлари бошланмоқда.
Ж.ЮСУПОВ, туман ИИБ бошлиғи, 3-сектор раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
