Жайхун илҳомлари

Наврўз сайли

Баҳор янгиланиш, бу гуллар фасли,

Баҳорга ошуфта булбуллар фасли,

Пинҳона севишган, кўнгиллар фасли,

Табиат инъоми, замон зайли бу,

Ўйнаб-кулинг дўстлар, Наврўз сайли бу.

 

Бойчечак берибди баҳордан дарак,

Майсалар ям-яшил, инсон жонсарак,

Ҳатто уйғонишда, осмон-у фалак.

Табиат инъоми, замон зайли бу,

Ўйнаб-кулинг дўстлар, Наврўз сайли бу.

 

Кўк либос кийибди, тўртта томонинг,

Дошқозонда қайнар Наврўз таоминг.

Куй-қўшиқ авжида, баҳор айёминг,

Табиат инъоми, замон зайли бу,

Ўйнаб-кулинг дўстлар, Наврўз сайли бу.

 

Инсонга эътибор, сифатли таълим,

Йил бошида бўлди, барчага маълум.

Наврўз шоҳ таоми – сумалак, ҳалим,

Табиат инъоми, замон зайли бу,

Ўйнаб-кулинг дўстлар, Наврўз сайли бу.

 

Шомурод урф-одат, ўзимизники,

Келажак - шул қаро кўзимизники.

Ҳаммаси ўғил-у қизимизники,

Табиат инъоми, замон зайли бу,

Ўйнаб-кулинг дўстлар, Наврўз сайли бу.

Шомурод Хўжанов, Дўрман овули.

 

Дошқозонда сумалак

Aйни баҳор чоғида,

Гўзал Манғит боғида,

Наврўзи олам бўлди,

Диллар қувончга тўлди.

Дошқозонда сумалак,

Қайнар лиммо-лим малак,

Қушлар карвони лак-лак,

Aйтишар яхши тилак.

Момолардан аллалар,

Aйтишни хўп ўргандик.

Гул очилган паллалар,

Олам нурга тўлгандек.

Ҳар йили шундай Наврўз,

Кириб келсин шўх бўлиб.

Aмударё сувлари,

Оқиб турсин мўл бўлиб.

Сайёра Насруллаева, 24-сонли мактаб ўқитувчиси.

 

Самодаги варрак

Наврўз келди қаранглар,

Куй-қўшиқлар жаранглар.

Карнай, сурнай овози,

Дилларга хуш ёқади.

 

Дошқозонда сумалак,

Тошлар териб солишар.

Олам тўлади нурга,

Инсон қалби меҳрга.

 

Само тўлар варакка,

Юздан кулгу аримас.

Наврўз шундай ажойиб,

Кўнгилларда ғаройиб.

Гулзор Қўзибоева,

34-мактаб ўқувчиси.

 

Кўклам келди

Баҳор келди, баҳоржон,

Сайроқи қушлар билан.

Қозонларда қайнаган,

Сумалак ва кўк билан.

 

Ёмғир ёғди далага,

Қирлар тўлди лолага.

Варраклар парвозидан,

Шодланди қиз-у бола.

Ҳаётхон Ҳайитбоева,

34-мактаб  ўқувчиси.

 

Гулбаҳор нафаси

Қуёш эрта уйғониб,

Кўкламнинг юзин очди.

Ҳар томонда қушлар ҳам

Чуғурлаб, шодон учди.

 

Навбаҳор осмонида,

Булутлар ҳам қувлашди.

Орасида варраклар

Булутларга бўйлашди.

 

Шундай гўзал дамларда

Сумалаклар қайнади.

Aтрофида болалар,

Қувлашмачоқ ўйнади.

 

Қизалоқлар гул териб,

Шўх қўшиқлар куйлашар.

Сочларин майда ўриб,

Қувлашмачоқ ўйнашар.

 

Aтрофнинг гўзаллиги,

Қушларнинг хуш овози.

Дилларга хўп ёқади.

Гулбаҳорнинг нафаси.

Элёрбек Эркинов, 57-мактаб  ўқувчиси.

 

Бойчечак

Димоғим тўлмоқда хушбўй ҳидларга,

Бурканар ён-атроф яшил рангларга.

Қанчалар нимжон, нозик, бир ниҳол,

Ҳаёт учун курашар бу жажжи қирол.

 

Нималарга қодир сирли табиат,

Ёриб чиқар тошни, шу нимжон ниҳол.

Қуёшнинг нуридан куч олар секин,

Оламни безатар, лола-ю ҳилол.

 

Қулоққа чалинар қушлар сайроғи,

Бошқача нур сочар қуёш, баҳорги.

Қалдирғоч унутмас, эски маконин,

Эшигим очиқдир, баракам, киргин.

 

Тирик жон тебранар, баҳорни сезиб,

Болари ғувиллар, боғларни кезиб.

Кумуш қиш чекинади секинлик билан,

Она ер тўйинди, қор-меҳринг билан.

 

Тоғларнинг қўйнида унган бойчечак,

Қизларнинг бошида гўзал мойчечак.

Майин шабадангдан яйрадим, баҳор,

Жажжи бола бўлдим, қайтадан, такрор.

Мансурбек ОЛЛОМБЕРГАНОВ,

Ислом Каримов номидаги

ТДТУ талабаси.

 

Ватан

Осмондаги юлдузлар,

Ҳеч ҳам сўниб қолмайди.

Ой ва Қуёш кун алмашиб,

Сира тиним билмайди.

 

Инсонлар бу ҳаётда,

Ватаним деб яшайди.

Ой-юлдузлар порлаган,

Қуёшли осмон каби.

Зарина Тўрабоева,

34-мактаб ўқувчиси.

 

Капалак

Учиб келиб, капалак,

Баҳордан берди дарак.

Қувлашмачоқ ўйнадик,

Кун бўйи бўлиб ҳалак.

 

Баҳор нафаси елиб.

Олам мунаввар бўлди.

Жажжи капалак келиб,

Диллар севинчга тўлди.

 

Майли, ўйнаб учавер,

Гулларимни қучавер.

Сен баҳорнинг элчиси,

Дилларни шод этавер.

 Кумушой Тўрабоева,

29-мактаб ўқувчиси.