Дўстлик маҳалласида ёшлар ўртасида жиноятчиликни олдини олиш бўйича йиғилиш бўлиб ўтди

2023 йил 28 июнь куни Ўзбекистон Республикаси Президенти раҳбарлигида ҳудудлларда ҳуқуқбузарликларни олдини олиш ва жиноятчиликка қарши курашиш ҳолати ҳамда бу борадаги устувор вазифаларга бағишланган видеоселектор йиғилиши ўтказилган, унда республикамиз овул ва маҳаллаларида жиноятчиликни жиловлаш самарадорлигини ошириш, хавфсиз муҳитни яратиш, криминоген вазиятни яхшилаш орқали оғир ва ўта оғир жиноятлар содир этилишининг олдини олиш ҳамда уларни камайтиришга эришиш бўйича қатор вазифалар белгилаб берилган эди.

Ушбу вазифаларнинг ижросини таъминлаш мақсадида Қорақалпоғистон Республикаси Прокурори, Ички ишлар вазири ва Миллий гвардия Қорақалпоғистон Республикаси бошқармаси бошлиқлари, уларнинг ўринбосарлари, тегишли бошқарма бошлиқлари жиноятчиликнинг олдини олиш, содир этилган ҳуқуқбузарликларни, жиноятларни чуқур таҳлил қилган ҳолда, қайта содир бўлишининг олдини олиш, криминоген вазиятни атрофлича муҳокама қилиб, келгусида амалга оширилиши лозим бўлган аниқ чора-тадбирларни белгилаш мақсадида шаҳар, туманларга масъул қилиб бириктирилган эди.

Ушбу вазифага мувофиқ Қорақалпоғистон Республикаси Ички ишлар вазирлиги Тезкор қидирув хизмати бошлиғи Умида Курбанбева, Амударё тумани Ички ишлар бўлими бошлиғи ўринбосарлари Замир Сапарбаев, Шарапат Жолдасбаевлар Амударё туманининг “қизил” тоифага кирувчи Дўстлик маҳалласида жиноятчиликнинг олдини олиш бўйича йиғилиш ўтказдилар.

Йиғилишда ҳудуд профилактика инспектори Илауатдин Жумамуратов, маҳалла фуқаролар йиғини масъуллари ҳамда кўча бошчилари, нуроний отахон ва онахонлар, ҳудудда жойлашган корхона ва ташкилотлардан вакиллар қатнашди.

Йиғилишда Қорақалпоғистон Республикаси Ички ишлар вазирлиги Тезкор қидирув хизмати бошлиғи Умида Курбанбева сўзга чиқиб, ёшлар ўртасида ҳуқуқбузарлик ва жиноятчиликларнинг олдини олиш масаласи бугунги кунда ёшларга оид давлат сиёсатининг долзарб йўналишларидан бири эканлиги, ҳуқуқни муҳофаза қилувчи органлар, вазирлик ва идоралар, нодавлат нотижорат ташкилотлари билан бирга жамоатчилик вакиллари томонидан ёшларнинг сиёсий фаоллигини ошириш, ҳуқуқий онги ва маданиятини ривожлантириш, ёшлар ўртасида жиноятчиликнинг олдини олиш борасида ҳам кенг кўламли чора-тадбирлар амалга оширилаётганини таъкидлаб ўтди. Шунингдек туманимизда ҳам жиноятчилик ва ҳуқуқубузарликларнинг олдини олиш борасида қатор амалий ишлар олиб борилаётгани ҳақида тўхталди.

Ҳудуд профилактика инспектори Илауатдин Жумамуратов ўз сўзида аҳоли ўртасида гиёҳвандлик, одам савдоси, диний экстремизм каби жиноятларнинг олдини олиш юзасидан маҳалла ёшлари орасида мунтазам тушунтириш ишларини олиб бораётганини, келгусида ўсмирлар ва ёшлар билан ишлашишни янада яхшилашга ҳаракат қилишини билдирди. Шунингдек, ёшларнинг тақдирига ота-оналар ҳам бефарқ қарамаслиги, улар устидан доимий назорат олиб боришлари лозимлигини таъкидлади.

 Шундан сўнг, туман Ички ишлар бўлими бошлиғи ўринбосари Замир Сапарбаев сўзга чиқиб, ҳар бир ҳудудда содир этилган маъмурий ва жиноий ҳолатлар аҳоли ўртасида муҳокама қилиниши, жиноят содир этилиши сабаблари ўрганилиши кераклиги ва жиноят содир этишга имкон берган шарт-шароитларни бартараф этиш чоралари кўрилиши лозимлиги ҳақида сўз юритди.

Қолаверса, маст ҳолатда автотранспорт воситасини бошқариш ва бошқа қўпол қоидабузарликлар маҳалла ҳамда меҳнат жамоаларида муҳокама этилиши муҳимлигини, оиладаги нотинчлик, келишмовчилик туфайли содир этилган оғир ва ўта оғир жиноятлар чуқур таҳлил қилиниши кераклигини алоҳида эътироф этди.

Йиғилиш якунида маҳалла фуқаролар йиғини масъиллари сўзга чиқиб, ёш оилалар ва уюшмаган ёшлар, хотин-қизлар ўртасида ҳуқуқбузарликлар профилактикаси ва жиноятчиликка қарши курашиш бўйича бир қанча ишлар амалга оширилганлиги, ҳуқуқбузарлик ва жиноятчиликнинг олдини олиш бўйича маҳаллаларда кенг тарғибот-ташвиқот ишлари олиб борилаётганлиги ҳақида маълумот бериб ўтдилар.

Йиғилишда Дўстлик маҳалласини “қизил” тоифадан чиқариш бўйича йиғин масъулларига тегишли топшириқлар берилди.

Туман ҳокимлиги Ахборот хизмати