ҲОКИМ ЁРДАМЧИЛАРИ ТУМАНИМИЗ АҲОЛИСИНИНГ ЯҚИН КЎМАКЧИЛАРИГА АЙЛАНМОҚДА
Мамлакатимиз маҳаллаларида ўтган йилдан ҳоким ёрдамчилари иш бошлаган эди. Бу тизим аҳволи оғир оилаларга манзилли кўмак бериш, уларни ишбилармонликка жалб қилиш орқали камбағалликни қисқартириш ва халқимизнинг умумий фаровонлигини таъминлашга қаратилгани билан катта аҳамият касб этиб, ўзининг ижобий самарасини бера бошлади.
Амударё туманида ҳам барча овул ва маҳаллаларда аҳолини ўйлантираётган ва ташвишлантираётган муаммоларга ечим топишга киришган ҳоким ёрдамчиларининг саъй-ҳаракатлари натижаси кўзга ташланмоқда. Уларнинг хонадонма-хонадон юриб, ҳар бир муаммога ечим топишга астойдил кўмаклашаётгани, ташвишларига елка тутаётганидан аҳоли мамнун бўлмоқда.
Туманда фаолият юритаётган ҳоким ёрдамчилари томонидан 2023 йил учун режага мувофиқ 37 216 та хонадонлар хатловдан ўтказилди. Хатлов давомида уйма-уй юриб суҳбатлашилиб, фуқароларнинг оилавий шароитлари, муаммолари ўрганилди, хоҳиш-истаклари, келажак режалари билан қизиқиб кўрилди. Шунга кўра, овул ва маҳаллаларнинг ижтимоий-иқтисодий ҳолати, аҳолининг турмуш даражасини яхшилашга доир чора-тадбирлар ишлаб чиқилди. Эндиликда уларни амалга оширишга алоҳида эътибор қаратилмоқда.
Шу йил июль ойида ҳоким ёрдамчилари томонидан 999 нафар шахснинг бандлиги таъминланган бўлиб, шундан 295 нафари доимий, 318 нафари ҳақ тўланадиган жамоат ишларига жалб этилган бўлса, 386 нафари ўзини-ўзи банд этган. Шунингдек, ҳоким ёрдамчилари томонидан оилавий тадбиркорликни ривожлантириш дастурлари доирасида 792 нафар фуқарога 11 млрд. 57 млн. 325 минг сўм миқдорида кредит ажратиш бўйича тавсиялар берилган.
Ҳоким ёрдамчилари томонидан туман бўйича эҳтиёжманд оила вакилларига бандлигини таъминлаш мақсадида субсидия ажратиш бўйича ҳам хатлов ишлари ўтказилди. Бу йўналишдаги ишлар 1-сектор ҳудудидаги Бештом ва Уйшин маҳаллаларида, 2-сектор ҳудудидаги Фаровон маҳалласида, 3-сектор ҳудудидаги Дурунки маҳалласида, 4-сектор ҳудудидаги Намуна маҳалласида ҳоким ёрдамчилари томонидан жадал олиб борилмоқда. Шунингдек, қишлоқ хўжалик ерларини ижарага бериш орқали аҳолининг бандлигини таъминлаш ва оиласига даромад киритиш бўйича олиб борилган таҳлил натижасига кўра, 790,8 гектарга яқин ер майдони ажратилиб, аукционга қўйиш бўйича тегишли ишлар олиб борилмоқда. Бу бўйича ишлар Жумуровул маҳалласи ва Куюккўпир овулларидаги ҳоким ёрдамчилари томонидан бошқа ҳудудларга нисбатан яхши йўлга қўйилган.
Шу билан бирга ҳоким ёрдамчилари томонидан жорий йил май ойида 428 нафар фуқаро касб-ҳунар ва тадбиркорликка ўқитилди. Уларнинг кўмагида шу кунгача жами 311 та тадбиркорлик субъектлари янгидан ташкил этилган бўлиб, шундан 159 нафари якка тартибдаги, 152 нафари юридик мақомдаги тадбиркорлар ҳисобланади.
Ўз фаолиятлари давомида ушбу вазифаларни сидқидилдан бажариб келаётган ҳоким ёрдамчилари туманимиз аҳолисининг ҳаётидаги ташвишларини енгиллатаётган яқин кўмакчиларга айланишга улгуришди. Уларнинг ёрдами билан бандлиги таъминланган, тадбиркорликни йўлга қўйиб даромад топаётган, муаммоларига ечим топаётган амударёликлар ижобий ўзгаришларни ўз ҳаётларида кўришмоқда.
Эркин Ражабов,
Президентнинг тумандаги Халқ қабулхонаси мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
