БАНДЛИК – ДОИМИЙ ДАРОМАДГА ЭГА БЎЛИШ ДЕМАКДИР
Сўнгги йилларда мамлакатимизда иш билан банд бўлмаган аҳоли, шу жумладан, хотин-қизларнинг ва ёшларнинг бандлигини таъминлаш, ижтимоий ҳимояга муҳтож, турмуш шароити оғир, касб-ҳунарга эга бўлмаган, ҳуқуқий ва маънавий қўллаб-қувватлашга муҳтож фуқароларга давлатимиз томонидан манзилли кўмак бериш бўйича тизимли ишлар амалга оширилмоқда.
Туман Камбағалликни қисқартириш ва бандликка кўмаклашиш бўлими томонидан аҳоли турмуши сифатини ошириш борасида эҳтиёжманд оилалар манзилли қўллаб-қувватланиб, иш билан банд бўлмаган, ишлаш истагида бўлган аёл-қизлар, ёшларнинг бандлигини таъминланиб, доимий даромадга эга бўлишлари учун йил давомида 7 марта меҳнат ярмаркалари ўтказилди. Унда тумандаги 261та корхона ва ташкилотлар ўзларидаги мавжуд 825та бўш иш ўринлари билан қатнашдилар. Ярмаркаларга 493 нафар фуқаролар жалб этилди. Уларнинг 208 нафари доимий ишга жойлашиш учун йўлланма олишди, 228 нафари ишга жойлашди.
Шу йилнинг 18 декабрь ҳолатига туман бўйича 3793 нафар фуқаролар бўш иш ўринларига жойлаштирилди. 86 нафар фуқаро квота иш ўринларига ишга қабул қилинди, 581 нафар фуқаро ҳақ тўланадиган жамоат ишларига жалб қилинди ва 20 нафар фуқарога ишсизлик нафақаси тайинланиб, тўланди. Стипендияли касб-ҳунарга 40 нафар фуқаролар ўқитилди, кунлик меҳнат маркази орқали эса 559 нафар фуқаро кунлик ишларга жалб қилинди.
Мамлакатимизда ногиронлиги бўлган шахсларга ҳам тенг имкониятлар яратиш, уларнинг ҳаёт сифатини ошириш, иқтидорига кўра иш билан машғул қилиб, ижтимоий фаоллигини юксалтиришга ҳам алоҳида эътибор қаратилаяпти. Жорий йилнинг шу давригача 151 нафар имконияти чекланган фуқароларнинг бандлиги таъминланди ва бўш иш ўринларига ишга жойлаштирилди. Миллий дастурга асосан эса 31 нафар имконияти чекланган фуқаролар жамоат ишларига жалб қилинди, 7 нафари корхона-ташкилотларга ишга жойлаштирилиб, ногиронларни ишга қабул қилганлиги учун корхона-ташкилотларга субсидиялар ажратиб берилди.
Шунингдек, янги иш ўринлари яратиш дастури доирасида 2023 йилда аҳолини доимий, мавсумий ва вақтинчалик банд қилиш учун 23 553та иш ўрин яратиш режа қилинган эди. Мазкур иш ўринлари инвестицияларни жалб қилиш, маҳаллий саноатни ривожлантириш, хизмат кўрсатиш ва тадбиркорликни ривожлантириш, қишлоқ хўжалиги, қурилиш ва коммунал хизмат кўрсатиш соҳаларида яратилиши белгиланган эди. Ўтган 11 ой ичида фаолиятни легаллаштириш (қонуний асосда қайта ташкил этиш) ҳисобига 3221та, шунингдек, 6790та доимий, 18090та мавсумий ва вақтинчалик, жами 28111та иш ўрни яратилди. Шу кунгача 272 нафар ишсиз, ишлаш истагидаги фуқаролар касбга тайёрлаш ва қайта тайёрлаш курсларида ўқитилиб, 57 нафари ишга жойлаштирилди, 215 нафари ўзини ўзи банд қилди.
Туман Камбағалликни қисқартириш ва бандликка кўмаклашиш бўлими туманимиз аҳолисининг турмуши сифатини ошириш, фаровон яшашига эришиш борасида хизмат кўрсатиб, юртимизда инсон шаъни, қадр-қиммати юксак тутилаётганини амалда ифода этиб келмоқда.
Рашид САЛАЕВ,
туман Камбағалликни қисқартириш ва
аҳоли бандлигига кўмаклашиш бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
