Алимент олувчи оилаларнинг яшаш шароитлари ўрганилди

15 февраль куни Қорақалпоғистон Республикаси Прокуратураси, Амударё туман ҳокимлиги, туман прокуратураси, Мажбурий ижро бюроси туман бўлими масъуллари ҳамкорликда алимент олувчи оилалар ҳолидан хабар олдилар. Ишчи гуруҳ эҳтиёжманд оилаларнинг яшаш шароитлари, уларнинг муаммо ва қийинчиликларини яқиндан ўргандилар.

Ишчи гуруҳ таркибидаги Қорақалпоғистон Республикаси Прокуратураси ходими Алишер Раҳимов, туман прокурори Азиз Рўзметов, туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Нодир Камолов, Мажбурий ижро бюроси туман бўлими бошлиғи Қуваниш Эсенбеков ҳамда қатор мутахассислар алимент олувчи оилалар аъзолари билан яқиндан суҳбат қурдилар. Ўзаро суҳбатлар чоғида оилаларнинг кундалик эҳтиёжлари ўрганилди ҳамда уларга ёрдамлар кўрсатилди.

Маълумот ўрнида айтиш керакки, туманимизда оилаларнинг мустаҳкамлигини таъминлаш, ажримларнинг олдини олиш борасида масъуллар томонидан самарали ишлар қилинмоқда. Шунингдек, Мажбурий ижро бюроси туман бўлими томонидан алиментларни ўз вақтида ундириш борасида қатор амалий ишлар қилинмоқда.

Мажбурий ижро бюроси туман бўлими иш юритувида алимент ундириш билан боғлиқ жами 978 та ижро ҳужжатлари мавжуд бўлиб, шундан 327 та қарздор ишсизлик хисобидан Ўзбекистон Республикасидаги ўртача ойлик иш ҳақи миқдоридан алимент пулларини тўлаб келмоқда.

Шунингдек, 651 та қарздорнинг алимент пуллари Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 64-моддасига мувофиқ иш ҳақларидан ундирилмоқда.

Бюронинг Қорақалпоғистон Республикааси бошқармаси бошлиғи томонидан алиментдан қарздорлиги бўлганларни ишга жойлаштириш бўйича 2024 йилнинг январь-июнь ойлари учун режа-график тасдикланган бўлиб, мазкур режа график асосида, Амударё туман прокуратураси, туман хокимлиги, бандликка кўмаклашиш маркази билан ҳамкорликда хар ойда алимент тўловчи ишсиз қарздорларни иш билан таъминлаш жорий йилнинг январь, февраль ойларида икки маротаба меҳнат ярамаркаси ўтказилган. Мазкур меҳнат ярмаркаларида жами 36 нафар ишсизлар доимий иш ўрни билан таъминланган, шундан, 4 нафари алимент тўловчи фуқаролар ҳисобланади.

Қолаверса, 10 млн. сўмдан ортиқ алимент қарздорлиги бўлган 147 та қарздорларнинг ҳам шароитлари ўрганилган. Февраль ойи ҳолатига 139,7 млн сўм қарзорлиги бўлган 16 та хонадонлар ўрганилиб, шундан, 3 тасига 11,1 млн сўм пул маблағлари ундириб берилган.

Ишчи гуруҳ вакиллари алимент олувчи оилаларнинг яшаш шароитларини ўрганиш мобайнида уларнинг кўплаб кундалик эҳтиёжлари мавжудлигини аниқладилар. Ишчи гуруҳ аъзолари томонидан оилаларга озиқ-овқат маҳсулотлари, фарзандларига кийим-кечак ва ўқув қуроллари берилди ҳамда 2 та оила яраштирилди.

Чарос Арслонова, туман ҳокимлигининг Ахборот хизмати раҳбари.