ҲАМЖИҲАТЛИК САМАРАСИ

Бугунги кунда туманимизда бўлаётган ривожланишни кўриб, кечаги кунлар билан солштирсак, минг бора шукроналар айтсак арзийди. Юртимизда олиб борилаётган бунёдкорлик ишлари, ёшларимизнинг кексаларга кўрсатаётган ҳурмат-эҳтиромларини айтмайсизми? Буларнинг ҳаммаси аввало оила, маҳалла ва таълим муассасаларининг ҳамкорлиги натижасида фарзандларнинг олаётган таълимтарбияси бўлса не ажаб. Бизнинг давлатимизда ҳар бир фуқаро виждон эркинлигини ҳис қилиб яшамоқда. Давлатимизда бу борада олиб борилаётган одилона сиёсат натижаси ўлароқ ҳар ким ўзи хоҳлаган динга эътиқод қилиш, ёки ҳеч қайси динга эътиқод қилмаслик ҳуқуқига эга.

Мана, элимизга муқаддас Рамазон ойи кириб келди. Юртимиздаги мўъмину мусулмонлар ушбу ойда рўза тутиб, Аллоҳнинг савобидан баҳраманд бўлиб, умргузаронлик қилмоқдалар.

Мен имомлик қилаётган Хитой овули ҳудудида ҳам кўп савобли ишлар қилинмоқда. Ҳудуддаги барча қабристонлар атрофлари тозаланиб, тартибга келтирилди ва лозим бўлган жойларда таъмирлаш ишлари олиб борилмоқда. Кўчалар, хонадонларнинг тозалиги ва ободлигига эътибор қаратилмоқда ва бу борада тарғибот-ташвиқот ишлари доимий равишда олиб борилмоқда. Бу ишларнинг олиб борилишида менга яқиндан амалий ёрдам бериб келаётган Хитой ОФЙ раиси Давлатбой Атажонов, "Намуна” МФЙ раиси Кўклан Юсупов, "Тор ёп” МФЙ раиси Давлатбой Ўтабоев, қолаверса, халқ депутатлари туман Кенгаши депутати Гулмирза Бобожонов ва маҳалла имомларига чуқур миннатдорчилик билдирмоқчиман.

Уларнинг ёрдами билан ҳудудимизда ҳар бир маърака, тўю-томошалар ихчам, камчиқим ва тартибли равишда ўтказилмоқда.

Фурсатдан фойдаланиб бутун туманимиз аҳлининг, барча мўмину мусулмонларнинг Рўзаи Рамазон савобидан баҳраманд бўлишлигини тилаб қоламиз.

Фарҳод АВЕЗОВ, Хитой овули.

(Фото - http://muslim.uz)