Замонавий мактаб — ислоҳотлар самараси ва келажак бунёдкорлари учун мустаҳкам пойдевор

Бугун юртимизда таълим соҳасига қаратилаётган юксак эътибор ўзининг амалий натижаларини бермоқда. Ҳудудларда замонавий мактаб ва мактабгача таълим муассасаларининг бунёд етилиши, мавжуд биноларнинг капитал таъмирланиши ва жиҳозланиши — буларнинг барчаси келажак авлод камолоти йўлида амалга оширилаётган кенг кўламли ислоҳотларнинг ёрқин ифодасидир.

Aмударё тумани Мактабгача ва мактаб таълими бўлимига қарашли, “Бўзёп” ОФЙ ҳудудида жойлашган 68-сонли умумий ўрта таълим мактабида ана шундай бунёдкорлик ишлари амалга оширилди. Пудратчи “ҚИЗКЕТКЕН МAХСУС ҚУРИЛИШ” МЧЖ томонидан қиймати 5 млрд 950 млн сўмлик лойиҳа асосида 330 ўқувчи ўрнига мўлжалланган қўшимча ўқув биноси ҳамда 12×24 ўлчамдаги замонавий спорт зал биноси қурилиб, фойдаланишга топширилди.

Очилиш маросимида Олий Мажлис Қонунчилик палатаси депутат Сапаргул Утемуратова, туман ҳокими ўринбосари Нодирбек Камолов, маҳалла фаоллари ҳамда мактаб жамоаси иштирок этди.

Тадбир давомида масъуллар ва маҳалла фаоллари сўзга чиқиб, барчани янги бинонинг очилиши билан самимий табрикладилар. Таъкидланганидек, айнан шундай замонавий лойиҳалар асосида барпо етилаётган мактаб ва боғча бинолари давлатимиз раҳбари томонидан таълим соҳасида олиб борилаётган мислсиз ислоҳотларнинг яққол самарасидир.

Янги ўқув биноси 3 қаватдан иборат бўлиб, барча замонавий талабларга тўлиқ жавоб беради. Мактаб биносига махсус лифт ўрнатилиб, инклюзив таълим талаблари асосида зарур шарт-шароитлар яратилди. Бу имконияти чекланган ўқувчиларнинг ҳам тенг ва қулай шароитда таълим олишини таъминлайди.

Бино иситиш тизими замонавий чиллер–фанкоил ускуналари асосида ташкил етилган бўлиб, хоналарда йил давомида меъёрий ҳароратни сақлаш имконини беради. Иситиш радиаторлари термостатик ҳарорат созлагичлари билан жиҳозланган, ҳар бир хонада ҳароратни алоҳида тартибга солиш имконияти мавжуд. Бу еса энергия тежамкорлигини таъминлаш билан бирга, ўқувчилар ва педагог ходимлар учун янада қулай муҳит яратади.

Ҳозирги кунда мактабда 227 нафар ўқувчи таълим-тарбия олмоқда. Уларга 27 нафар малакали педагог сабоқ бермоқда. Янги 330 ўринли қўшимча бино мавжуд қувватни сезиларли даражада кенгайтириб, таълим сифатини оширишга хизмат қилади.

Мактабда яратилган замонавий шарт-шароитлар ёш авлоднинг сифатли таълим олиши, жисмонан соғлом ва ҳар томонлама баркамол бўлиб вояга етиши учун яратилган мустаҳкам пойдевордир.

Хулоса қилиб айтганда, бугун барпо етилаётган ҳар бир янги мактаб — бу оддий бино емас, балки келажак сари қўйилган дадил қадамдир. Таълим соҳасидаги бундай кенг кўламли бунёдкорлик ишлари ёш авлод учун мустаҳкам пойдевор яратиб, Янги Ўзбекистон тараққиётига хизмат қилмоқда.

Чарос Aрслонова, туман ҳокимлигининг Aхборот хизмати раҳбари.