Йўлларнинг қиш мавсумига тайёрлиги жойида ўрганилди
Ҳаво ҳароратининг пасайиши, ёғингарчилик ва муз қатламининг пайдо бўлиши автомобиль йўлларидаги ҳаракат шароитини тубдан ўзгартирадиган омиллардан бўлиб, шу сабабли ҳар йили куз-қиш мавсуми бошланишидан олдин йўл хўжалиги корхоналарининг тайёргарлик даражаси алоҳида текширувдан ўтказилади. Бу йўналишдаги ишлар йўл ҳаракати хавфсизлигини таъминлаш бўйича белгиланган вазифалар доирасида изчил олиб борилмоқда.
Йўлларнинг ҳолати нафақат транспорт ҳаракати, балки ҳудуддаги кундалик ҳаётдаги иш, ўқиш ва юк ташиш жараёнларининг узлуксизлиги билан боғлиқ бўлганини инобатга олган ҳолда, қиш олдидан ўтказиладиган тайёргарлик ишлари ҳар йили жиддий масала сифатида қаралади.
Шу мақсадда Тахиатош туманидаги автомобиль йўлларидан фойдаланиш корхонасида куз-қиш мавсумига тайёргарлик ҳолати ўрганилди. Кўрикда Қорақалпоғистон Республикаси Ички ишлар вазирлиги Жамоат хавфсизлиги хизмати Йўл ҳаракати хавфсизлиги бошқармаси бошлиғи ҳамда Автомобиль йўлларидан фойдаланиш бошқармаси бошлиғи иштирок этди.
Ўрганиш жараёнида корхона тасарруфидаги махсус техникаларнинг мавсумга тайёрлиги кўздан кечирилди. Техника воситаларининг созлиги, белгиланган вазифаларни бажаришга шай ҳолатда экани ҳамда зарурат туғилганда дарҳол йўлга чиқиш имконияти жойида кўриб чиқилди.
Шунингдек, йўлларни қиш мавсумида сақлаш, қор ва музламаларнинг олдини олиш, ноқулай об-ҳаво шароитида ҳаракат хавфсизлигини таъминлаш учун зарур чора-тадбирларни амалга ошириш ҳолатига алоҳида эътибор қаратилди. Бу масалалар мавсум давомида йўлларнинг ўтказиш қобилиятини сақлаб туриш билан бевосита боғлиқ.
Масъул ходимларга махсус техникаларни доимо соз ва шай ҳолатда сақлаш юзасидан тегишли кўрсатмалар берилди. Шу билан бирга, мавсум давомида юзага келиши мумкин бўлган мураккаб об-ҳаво шароитларига ўз вақтида тайёр туриш лозимлиги алоҳида кўрсатиб ўтилди. Бундан ташқари, автомобиль йўлларида ҳаракат хавфсизлигини таъминлаш бўйича зарур чораларни кўриш юзасидан тавсиялар берилди.
Қайд этиш жоизки, куз-қиш мавсумида йўл қопламасининг сирпанчиқ ҳолга келиши, кўриш масофасининг қисқариши ва ҳаракат тезлигини сақлашдаги қийинчиликлар йўл-транспорт ҳодисалари хавфини оширади, шу боис тайёргарлик ишлари мавсум бошланишидан анча илгари кўриб чиқилади. Айни шу жиҳатдан тайёргарлик даражасини бевосита корхона шароитида, жойида баҳолаш муҳим саналади.
Куз-қиш мавсумида автомобиль йўлларининг узлуксиз ва хавфсиз ҳаракатланиш учун яроқли ҳолатда бўлишини таъминлаш, йўл-транспорт ҳодисаларининг олдини олиш ҳамда йўл ҳаракати иштирокчилари учун хавфсиз шароит яратиш мақсадида профилактик ва амалий ишлар изчил давом эттирилади. Бу йўналишдаги назорат мавсум тугагунига қадар сусаймайди.
Йўл хўжалиги корхоналарининг тайёргарлиги мавсум бошланишига қадар синовдан ўтказилиши эса қор ёки музлаш пайтида вақт йўқотмасликнинг энг ишончли кафолати бўлиб қолади. Мавсумнинг қандай ўтиши кўп жиҳатдан айни шу бугунги тайёргарликка боғлиқ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
