Қисқа сатрларда
СПОРТЧИ ҚИЗЛАРГА ЯНГИ ЙИЛ СОВҒАСИ
2015 йил 30 декабрь куни Амударё академик лицейида туманимиздаги мактаблар, ўрта махсус, касб-ҳунар таълими муассасаларида таълим-тарбия олиш билан бирга турли спорт мусобақаларида қатнашиб, яхши натижаларга эришаётган спортчи қизларга Президент совғаси – спорт кийимларини топшириш маросими бўлиб ўтди.
Тантанали маросимда туман ҳокими биринчи ўринбосари Б.Эрназаров, ҳоким ўринбосари, хотин-қизлар қўмитаси раиси М.Аҳмедовалар йиғилганларни янги йил байрами билан муборакбод этиб, 246 нафар спортчи қизларга Юртбошимизнинг янги йил совғасини топширди.
Билимдонлар аниқланди
Шу йилнинг 4-7 январь кунлари туманимиз мактабларида "Билимлар беллашуви”нинг мактаб босқичи бўлиб ўтди. Беллашувнинг мазкур босқичида 21 та фан бўйича 5000 нафардан зиёд ўқувчилар ўз билимларини илк синовдан ўтказишди. Ғолиблар март ойида ўтказиладиган навбатдаги – туман босқичида иштирок этиш ҳуқуқини қўлга киритишди.
Ватан ҳимоячилари билан учрашув
12 январь куни Амударё хизмат кўрсатиш ва сервис касб-ҳунар коллежида 14 январь – Ватан ҳимоячилари куни олдидан туман мудофаа ишлари бўлими ходимларининг коллеж ўқувчилари билан учрашув тадбири ўтказилди.
Тадбирда туман мудофаа ишлари бўлимининг чақирув бўлинмаси бошлиғи, капитан Акром Шарипов ва чақирилувчиларни ҳарбий хизматга тайёрлаш бўлинмаси бошлиғи Зокир Саъдуллаевлар сўзга чиқишиб, ҳозирги кунда Ўзбекистон Қуролли кучлари сафида хизмат қилаётган аскар ва зобитларнинг она Ватанимиз сарҳадларини қўриқлашдаги матонатли меҳнатлари ва уларга давлатимиз томонидан берилаётган имкониятлар ҳақида гапирдилар.
Коллеж ўқувчилари ўзларини қизиқтирган барча саволларга жавоблар олдилар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
