КЕКСАЛАР БИЗГА ФАҚАТ ЯХШИЛИК ТИЛАШАДИ
Мен бир оилани билар эдим. У оилага агар қиш фаслида бориб қолсак ҳам ҳовлиси атрофи супурилган, хонадони ораста, ҳамма ёғи чиннидек топ-тоза бўлиб турарди. Бу оиладаги озодаликка, файзга кўпчилик ҳавас қилишарди. Уйдаги кекса нуроний онахон бу дунёдан кўз юмди. Уйда келин ва қиз набиралари бор. Ҳозирги кунда шу уйнинг ён-атрофидан ўтиб қолсак, илгариги озодалик, саранжомликдан асар ҳам йўқлигини кўрамиз.
Наҳотки бу келин раҳматлик қайнонасидан ўрнак ола олмаган бўлса, дея ўйлайман ҳар гал шу хонадон олдидан ўтганимда. Наҳотки ўша озодалик фақат қайнона учунгина керак бўлган бўлса. Ахир келин ҳам эртага қайнона бўлади-ку. Шуларни ўйласам, ёшлик пайтларимда бувим раҳматлик айтган "қариси бор уйнинг париси бўлади”, деган гаплари ёдимга тушади. Бу гапнинг мағзини чаққандек бўламан.
Кўпинча келинлар суҳбатига қулоқ солсангиз, улар қайнонасининг камчиликларини айтишаётганига гувоҳ бўласиз. Шундай дамларда юқоридаги айтганим, таниш ҳовли кўз ўнгимда жонланади. Қиссадан ҳисса шуки, қайнона ҳам она! Келинлар ва бўлғуси келинларга қарата шундай дегим келади:
– Қайноналарнинг ҳар бир ўгити, маслаҳати сизлар учун олтин сирға бўлиб қулоқларингизга осилсин! Ахир улар сизларни жоидан ортиқ кўрувчи онангиздай инсонлардир. Улар фақат сизларга яхшилик тилашини унутманг!
Инобат ОТАЖОНОВА,
38-сонли мактаб ўқитувчиси.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
