СОFЛИК – ЭНГ УЛУF БОЙЛИК
Соғлик – туман бойлик. Бу сўз замирида жуда катта маъно бор. Шундай экан, ҳар қандай вазиятда ҳам инсон ўз соғлигини ҳамма нарсадан устун билмоғи даркор. Атроф-муҳит инсон саломатлигига мислсиз даражада ўз таъсирини кўрсатишини инобатга олиб, ҳар ким яшаш учун ўзига ўзи қулай шароит яратмоғи даркор. Лекин кўпчилик соғлом турмуш тарзини яратиш ўрнига ўз хатти-ҳаракати билан атроф-муҳитга зарар етказади. Кимдир: "ҳеч ким кўрмаяпти-ку”, – деб ахлат тўла челагини анҳорга тўкади. Яна биров хазон ва ахлат ёқиб, атмосфера ҳавосини заҳарлайди. Демак, эл-юртга тўкинчилик олиб келувчи оби-ҳаёт манбаи ҳам, мусаффо ҳавомиз ҳам лоқайдлик туфайли ифлосланади. Ифлос ҳаво эса бизнинг соғлигимизга кони зарардир.
Бундан ташқари, тамаки маҳсулотларини истеъмол қилиш, яъни кашандалик туфайли инсон ўз умрини қанчалик қисқартираётганини билса эди? Жаҳон соғликни сақлаш ташкилотининг маълумотларига қараганда, тамаки тутуни таркибида 3 мингдан ортиқ заҳарли моддалар бор экан. Энг хавфлиси, тамаки тутуни ўсма касалликларини авж олдирувчи зарарли моддаларга бой экан.
Баъзан биз тенги ёшлар ҳам сигарета чекишни ўзларига одат қилиб олишганидан хафа бўлиб кетаман. Сигарета – нархи қиммат, бозори чаққон маҳсулот. Агар тенгдошларимиз ана шу сигаретага сарфлаган пулларига китоб сотиб олсалар, китобдан ҳам соғлигига, ҳам ҳаётига доир энг зарур билимларни бир бойлик каби қалбларига жойлаган бўлишарди.
Гўзал ОТАЖОНОВА, Амударё академик лицейи ўқувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
