SOFLIK – ENG ULUF BOYLIK

Sogʻlik – tuman boylik. Bu soʻz zamirida juda katta maʼno bor. Shunday ekan, har qanday vaziyatda ham inson oʻz sogʻligini hamma narsadan ustun bilmogʻi darkor. Atrof-muhit inson salomatligiga mislsiz darajada oʻz taʼsirini koʻrsatishini inobatga olib, har kim yashash uchun oʻziga oʻzi qulay sharoit  yaratmogʻi darkor. Lekin koʻpchilik sogʻlom turmush tarzini yaratish oʻrniga oʻz xatti-harakati bilan atrof-muhitga zarar yetkazadi. Kimdir: "hech kim koʻrmayapti-ku”, – deb axlat toʻla chelagini anhorga toʻkadi. Yana birov xazon va axlat yoqib, atmosfera havosini zaharlaydi. Demak, el-yurtga toʻkinchilik olib keluvchi obi-hayot manbai ham, musaffo havomiz ham loqaydlik tufayli ifloslanadi. Iflos havo esa bizning  sogʻligimizga koni zarardir.

Bundan tashqari, tamaki mahsulotlarini isteʼmol qilish, yaʼni kashandalik tufayli inson oʻz umrini qanchalik qisqartirayotganini bilsa edi? Jahon sogʻlikni saqlash tashkilotining  maʼlumotlariga qaraganda, tamaki tutuni tarkibida 3 mingdan ortiq zaharli moddalar bor ekan. Eng xavflisi, tamaki tutuni oʻsma kasalliklarini avj oldiruvchi zararli moddalarga boy ekan.

Baʼzan biz tengi yoshlar ham sigareta chekishni oʻzlariga odat qilib olishganidan xafa boʻlib ketaman. Sigareta – narxi qimmat, bozori chaqqon mahsulot. Agar tengdoshlarimiz ana shu sigaretaga sarflagan pullariga kitob sotib olsalar, kitobdan ham sogʻligiga, ham hayotiga doir eng zarur bilimlarni bir boylik  kabi qalblariga joylagan boʻlishardi.

Goʻzal OTAJONOVA, Amudaryo akademik litseyi oʻquvchisi.