ЖАННАТИМСИЗ, ОНАЖОН
Она! Бу зотга таъриф беришга сўз мулки ожиздай. Она ўз боласи учун жонини беришга ҳам тайёр. Аммо биз фарзандлар баъзида ўйламай онамиз қалбига озор бериб қўямиз. Онамиз шунда ҳам бизлардан ҳеч ҳам хафа бўлмайди. Аммо бизчи, биз?
Оналаримиз бизга бор ширин сўзларини айтиб, бор меҳрини бериб улғайтиради. Болам есин, болам кийсин, деб елиб-югуради. Иссиқни иссиқ демай, совуқни совуқ демай, тиним билмай ишлашади. Аммо шунда ҳам ҳеч нарсага қаноатланмаймиз. Ота-онамизнинг қийинчиликлар билан топаётган пулларини гоҳида биз бир кунда осонгина ҳавога совуриб юборамиз. Энди англаб етдимки, менинг бу дунёдаги энг катта бахтим – бу онамнинг борлигидир. Мен онамни жуда қаттиқ яхши кўраман. Онам ҳам бизларни яхши кўради.
Онажон! Сизнинг менга берган меҳрингизни фақат эл-юртга корим тегадиган фарзанд бўлиб, ўқиб билим олиб Ватаним, оилам, маҳаллам фахрланадиган инсон бўлиб оқлашга интиламан. Менинг энг катта тилагим – бу сизнинг олдимизда доим соғ-саломат юришингиздир. Сизнинг биргина ширин сўзингиз менинг бир умрлик ҳаётим мазмунидир. Борингизга шукур, бебаҳосиз, жаннатимсиз онажон! Сиз чиндан-да, дунёдаги энг азиз инсонимсиз!
Қундузой АҲМЕДОВА,
31-сонли мактаб ўқувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
