МЎЛ ПИЛЛА ҲОСИЛИМИЗ ТЎЙГА ТЎЁНА БЎЛАДИ
Бу йил баҳорнинг эрта келиши туфайли ипак қурти боқиш мавсуми ҳам анча барвақт бошланди. Ҳар бир кунни зийраклик билан кузатиб турган бизнинг қиличбойлик пиллакорлар мавсум тараддудини ўз вақтида кўриб қўйдилар ва 42 та фермер хўжаликларига бириккан 413 нафар оилавий пиллакорлар жорий 2016 йилнинг 19 апрелидан 389 қути ипак қуртларини парвариш қилишга киришдилар. Кунни тунга улаб қилинган самарали меҳнатларнинг натижалари эса илғор пиллакорларимизнинг қуртхоналарида кўзга ташлана бошлади, яъни, қулай шароитда тўйдириб озиқлантирилган ипак қуртлари пилла ўрай бошлади. Шу жумладан, "Амирхон” фермер хўжалигидан Раҳотой Қурбонова, "Зарипбой-Тўлғоной” фермер хўжалигидан Раъно Қўшимова, "Дўсчонов Раҳимбой” фермер хўжалигидан Гулбаҳор Соатова, "Сейтимов Улуғбек” фермер хўжалигидан Гулзода Бозорбоева ва "Ражабов Қудрат” фермер хўжалигидан Мақсуда Худоёрова каби тажрибали моҳир пиллакорларнинг қуртхоналарида амалга оширилаётган ишларни кўриб завқингиз ҳам ошади.
Пиллакорларимизнинг бу йилги шашти баланд. Улар мустақиллигимизнинг 25 йиллик тўйига тўёна сифатида режадаги 22 тонна 147 кг. ўрнига 23 тоннадан ортиқ аъло навли пилла ҳосилини топширишга аҳд қилишган.
Нафиса ЮСУПОВА,
"Манғит-пилла” МЧЖнинг "Қиличбой” овули ҳудуди бўйича бош пиллачилик мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
