Навоий бобомизни хотирлаб...
Алишер Навоий – ўзбек шеъриятини юксак даражада ривожлантирган буюк шоир ва давлат арбоби, ўз даврининг даҳоси, халқпарвар, олийжаноблик ва ҳақиқатгўйлик каби хислатлар эгаси бўлган. Бу ҳақда Биринчи Президентимиз И.А.Каримов “А.Навоий халқимизнинг онги ва тафаккури, бадиий маданияти тарихида бутун бир даврни ташкил этадиган буюк шахс, илмий адабиётимизнинг тенгсиз намояндаси, миллатимизнинг ғурури, шаъну шарафини дунёга тараннум қилган ўлмас сўз санъаткоридир” дея таърифлаган эдилар. Миллий адабиётимизни дунёга тараннум қилган шу улуғ инсон, буюк бобкалонимизнинг таваллуд куни – 9 февраль республикамиз миқёсида юксак даражада нишонланиб келинмоқда.
Бизнинг 36-сонли умумтаълим мактабимизда ҳам бу қутлуғ сана муносабати билан тадбирлар ўтказилди. Тадбирлар А.Навоий ҳамда у яратган маънавий ва адабий меросни ёшларга янада яқиндан таништириш мақсадида мактабимиз ўқувчилари ўртасида иншолар танлови ўтказиш билан бошланди.
Шунингдек, А.Навоий таваллудининг 577 йиллиги муносабати билан катта тадбир ташкил қилиниб, 8-синф ўқувчиларининг “Хамса” ва “Навоий издошлари” гуруҳлари улуғ бобокалонимиз ҳаёти ва ижоди, асарлар бўйича билимдонликларини синаб кўрдилар. Бешта шарт асосида ўтказилган танловда гуруҳлар барчани А.Навоий шеърияти билан таништириб, унинг ҳаётидан ва яратган достонларидан айрим лавҳаларни саҳна кўринишида намойиш этдилар. Айниқса, баҳру-байт шартида ҳар иккала гуруҳ бир-биридан қолмасликка ҳаракат қилдилар.
Гуруҳларнинг чиқишлари ҳакамлар томонидан баҳоланиб, “Хамса” гуруҳи иштирокчилари ғолиб деб топилди ҳамда мактаб маъмурияти томонидан “Фахрий ёрлиқ” ва совғалар билан тақдирланди.
Мактабимизнинг 9-синф ўқувчиси Мадина Нуруллаева эса А.Навоий ҳаёти ва ижоди бўйича ўтказилган иншолар танлови ғолиби деб топилди. Мактабимизда А.Навоий таваллудининг 577 йиллиги муносабати билан ўтказилган тадбирларни ташкил қилиш ва ўтказишда ўзбек тили ва адабиёти фани ўқитувчиси Саида Юсупова ўқувчиларга яқиндан кўмак берди.
Буюк бобокалонимиз А.Навоийнинг бой адабий ва маънавий мероси биз учун қадрлидир. Унга эҳтиром кўрсатиш ва асраб-авайлаш биз авлодларнинг бурчимиздир.
Нурбек ЙЎЛДОШЕВ, 36-мактабнинг 8 синф ўқувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
