Коррупция йўқ бўлса, адолат қарор топади
Муҳтарам Президентимиз Ш.Мирзиёев мамлакатимиз парламенти – Олий Мажлисга Мурожаатномасида мамлакатимиздаги коррупцияга қарши кураш борасида олиб борилган ишларга ҳам алоҳида тўхталиб ўтди. Шу асосда аниқ мақсадларга қаратилган чора-тадбирларни ўз ичига олган давлат дастурини изчиллик билан амалга ошириш кераклигини таъкидлаб, бу йўлда янада қатъий иш олиб боришимиз шартлиги ҳақида сўз юритди.
Мамлакатимиз ривожланаётган ва дунё ҳамжамиятида ўз муносиб ўрнини белгилаётган бир пайтда, Президентимиз таъкидлаб ўтганидек, фақатгина эришилаётган ютуқларимизга маҳлиё бўлиш кайфиятида бўлмасдан, Ватанимизни янада юксалтириш учун муаммо ва камчиликларга ҳам эътибор бериб, уларни аниқлаб, ўз вақтида бартараф этишимиз лозим.
Бизга маълумки, барча тоифадаги жиноятлар ҳар бир замонда ва маконда мавжуд бўлиб келган. Жумладан, коррупция жинояти ҳам барча мамлакатларда ривожланишни оқсатиб келмоқда. Мамлакатимизда қабул қилинган «Коррупцияга қарши кураш тўғрисида»ги Қонундан кўзланган мақсад - коррупцияга қарши кураш бўйича олиб борилаётган ишлар самарадорлигини оширишдан иборат.
Ҳужжатда давлат бошқаруви соҳасида коррупциядан огоҳлантириш бўйича чоралар келтириб ўтилган. Жумладан, давлат органлари фаолиятининг очиқлиги ва жамоатчилик назорати, мансабдор шахслар фаолияти сифатини баҳолаш, ишга қабул қилиш ва мансаб пиллапояларидан кўтарилишда очиқлик ва холислик тамойили асосида танловли саралашларни олиб бориш тизимларини жорий этиш белгиланган.
Қонунда давлат органи ходими бирор бир шахс томонидан уни коррупцион ҳуқуқбузарликни содир этишга даъват қилиш ҳолати, шунингдек, бошқа ишчилар томонидан шу каби ҳолатларнинг амалга оширилиши бўйича унга ошкор бўлган маълумотларни ўз раҳбари ёки ҳуқуқни муҳофаза қилиш органларига мурожаат этиши кўрсатилган. Мазкур мажбуриятларнинг бажарилмаслиги қонунчиликка мувофиқ тегишли равишда жазога тортилишига олиб келади.
Фикримизча, энг аввало кадрларни тайёрлаш, уларни танлаш ва лавозимга тайинлаш бўйича масъулиятни янада ошириш лозим. Чунки ҳар қандай соҳа муносиб кадрлар билан таъминлансагина, жамият ривожланади. Жамиятни ривожлантириш учун коррупцияга қарши курашиш ҳар бир фуқаронинг бурчидир.
Азамат ЭРНАЗАРОВ, “Манғит-Назархон” ирригация тизими
бошқармаси етакчи ҳуқуқшунос-маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
