Ёшлар иттифоқи туман Кенгашининг ҳисобот йиғилиши ўтказилди
Мамлакатимизда ёшларга оид давлат сиёсатини изчил амалга ошириш, уларни эзгу мақсад йўлида бирлаштириш мақсадида ташкил этилган Ўзбекистон Ёшлар иттифоқи ўз фаолиятини самарали йўлга қўйиб, ёшлар ҳаётида алоҳида ўрин тутишга ҳаракат қилмоқда. Бугунги кунда иттифоқ ва унинг жойлардаги Кенгаши томонидан бу борада амалга оширилаётган чора-тадбирлар натижасида ёшларнинг жамият ҳаётидаги фаоллиги ортмоқда.
27 апрель куни Ёшлар Иттифоқи туман Кенгашининг ҳисобот йиғилиши бўлиб ўтди. Йиғилишда туман ҳокими Султонбой Йўлдошев, иттифоқнинг Қорақалпоғистон Республикаси Кенгаши раиси Абад Даниёров, иттифоқнинг туман Кенгаши раиси Маҳмуд Шерметов ҳамда Кенгаш аъзолари, фаол ёшлар, ҳамкор ташкилотлар раҳбарлари иштирок этдилар.
Йиғилишда кун тартибидаги иттифоқнинг туман Кенгаши томонидан ўтган давр мобайнида амалга оширилган ишлар ҳақидаги масала юзасидан Кенгаш раиси Маҳмуд Шерметовнинг ҳисобот маърузаси тингланди. Маҳмуд Шерметов ўз маърузасида туман Кенгашининг 2017-2018 йиллар мобайнидаги меъёрий-ҳуқуқий ҳужжатларининг ижроси, молиявий-иқтисодий кўрсаткичларнинг бажарилиши ҳамда ёш тадбиркорлар ва фермерлар билан олиб борилаётган ишлар, уюшмаган ёшларнинг бўш вақтини мазмунли ташкил этиш ва уларнинг бандлигини таъминлаш, ёшларнинг турли мафкуравий таҳдидларга, хусусан, диний экстремизм, терроризм, “Оммавий маданият” ва бошқа ёт ғояларга қарши курашиш, соғлом турмуш тарзини тарғиб қилиш, тўй-маросимларни ихчамлаштириш, эрта турмушнинг, ёш оилалардаги ажралишларнинг олдини олиш кабилар бўйича бажарилган ишлари ва ўтказилган тадбирлар ҳақида ҳисобот берди. Шунингдек, ҳудуддаги “Ёшлар маркази” ҳамда ёшлар ижтимоий хизматлар марказлари, умумтаълим мактабларидаги Бошланғич ташкилоти етакчиларининг фаолиятларига ҳам тўхталиб ўтди. Ёшлар иттифоқи туман Кенгаши фаолияти самарадорлигини ошириш ҳамда ўтган даврда йўл қўйилган камчиликлар, муаммоларни бартараф этиш бўйича таклифларини ҳам киритди.
Ҳисобот йиғилишида иштирок этаётган иттифоқнинг Қорақалпоғистон Республикаси Кенгаши раиси Абад Даниёров сўзга чиқиб, туман Кенгашининг ўтган давр мобайнидаги фаолияти бўйича Қорақалпоғистон Республикаси Кенгаши номидан муносабат билдирди. Шу билан бирга галдаги вазифаларга тўхталиб ўтди.
Йиғилиш якунида кўрилган масалалар юзасидан тегишли қарор қабул қилинди ва Ўзбекистон Ёшлар иттифоқи ҳисобот Қурултойидан олдидан бўлиб ўтадиган иттифоқнинг Қорақалпоғистон Республикаси Кенгаши йиғилишида иштирок этиш учун кўрсатилган фаол ёшлар номзоди тасдиқланди.
О. Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
