Сифатли, қулай ва тезкор ДАВЛАТ ХИЗМАТЛАРИ КЎРСАТИЛМОҚДА
Ҳозирги кунда нафақат тадбиркорлар, балки, аҳолига ҳам энг зарур ва талаб юқори бўлган давлат хизматларини “Ягона дарча” тамойили асосида кўрсатиш йўлга қўйилган. Бунинг учун бутун мамлакатимизда бўлгани каби туман Халқ қабулхонаси ҳузурида ҳам Давлат хизматлари маркази ташкил қилинди.
Айни кунда марказда талаб юқори бўлган ўнлаб давлат хизматлари кўрсатилмоқда. Эндиликда “Ягона дарча” тамойили асосида кўпгина давлат хизматларини интернет тармоғи орқали ҳам кўрсатиш амалиётининг жорий этилиши давлат хизматларидан коррупция хавфисиз, тезкор фойдаланиш имконини бермоқда. Бу ўз навбатида фуқароларнинг кундалик ҳаётини жиддий равишда енгиллаштиради, бюрократия ва сансалорлик ҳолатларини бартараф этади.
Жорий йилнинг 1 апрелидан бошлаб кичкинтойларни мактабгача таълим муассасаларига қабул қилиш масаласи ҳам Давлат хизматлари марказлари орқали ҳал этилмоқда. Бунда ногиронлиги бўлган шахсларнинг фарзандлари, уч нафар ёки ундан кўп фарзандлари бор оилаларнинг, ҳарбий хизматчиларнинг ва ҳуқуқни муҳофаза қилиш идоралари ходимларининг фарзандлари, етим ёки ота-она қаровисиз қолган, бошқа МТМлардан ўтказилган болалар МТМларга имтиёзли равишда қабул қилинади.
Эндиликда ҳайдовчилик гувоҳномалари ҳам Давлат хизматлари марказлари орқали бериладиган бўлди.
Аввал фақат тадбиркорлик субъектларига хизмат кўрсатган “Ягона дарча” маркази базасида ташкил этилган Давлат хизматлари маркази жорий йилнинг 1 апрелига қадар 37 турдаги хизматларни кўрсатган бўлса, ҳозир бу 13 тага кўпайиб, 50 тага етди. Йил охиригача эса кўрсатиладиган хизматлар сонини 87 тага етказиш мўлжалланмоқда.
Туманимиз аҳолисига сифатли, қулай давлат хизматлари кўрсатиш бизнинг асосий мақсадимиздир.
Назокат Мадиёрова, туман Давлат
хизматлари маркази бош мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
