Миллий Армиямизнинг 27 йиллигига

ОНА ЮРТ ҚАЛҚОНИ

Ватан, қаддинг баланд бугун дунёда,

Бахт-у иқболинг ҳам қадринг зиёда.

Юракларда эзгу аҳдинг зиёда –

Тегрангда мустаҳкам қўрғон бор учун!

Тарих саҳфасидан жой олган йиллар

Залворин елкалаб улғайди диллар...

Ватан, деб талпинган соҳир кўнгиллар –

Юракларда ЭРК деган туғён бор учун!

Ҳар онда эзгулик томон эврилиш,

Ҳар қарич ерда ризқ, барокатли иш.

Чўл-у саҳрода ҳам буюк ўзгариш –

Тараққиёт, илм ва ирфон бор учун!

Сарҳадлар дахлсиз, осмон муаззам,

Халқ якдил – тотувлик элда мужассам.

Бир юз ўттиз олти миллат жамул-жам

Улғайтган баркамол даврон бор учун!

Ана, мангу янграр тинчликка қасам,

Қон-қариндошлик – дўстликка қасам.

Истиқлолга қасам – ҳурликка қасам –

Пойингга тиз чўккан ўғлон бор учун!

Отанинг кўнгли тўқ, яшар хотиржам,

Бешикларин қучган оналар хуррам.

Ватан, ҳар кунингда тантана, байрам –

Қудратли Армиянг – ҚАЛҚОН бор учун!

Робия ЙЎЛДОШЕВА.