“БЕШ ТОМ” ОВУЛИДА СУД РАИСЛАРИНИНГ САЙЁР ҚАБУЛИ ЎТКАЗИЛДИ
Мамлакатимизда миллий ҳуқуқ тизимини тубдан ислоҳ қилиш, жамиятда ҳуқуқий маданиятни шакллантиришга доир қонун ҳужжатлари қабул қилиниб, ижроси таъминланмоқда. Аҳолига мамлакатимиздаги ижтимоий-иқтисодий ислоҳотлар, қабул қилинаётган қонун ҳужжатлари ва давлат дастурларининг мазмуни ва моҳиятини изчил етказиш тизимини шакллантириш, ўз ҳуқуқ ва бурчларини тўлиқ англаб етишларини таъминлаш мақсадидаги чора-тадбирлар изчил амалга оширилмоқда.
21 февраль куни “Беш том” овулида туман Иқтисодий суди раиси Ў. Собиров ҳамда Жиноий ишлар бўйича Хўжайли тумани суди раиси Ш.Шамамбетовларнинг сайёр қабули ўтказилди. Овул аҳолисига шу йил Президентимиз томонидан қабул қилинган “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Фармонининг мазмун-моҳияти, ҳуқуқбузарлик ва жиноятчиликка жазо муқаррарлиги, уларнинг олдини олиш, ҳар ким ўз ҳуқуқ ва бурчларини тўлиқ англаб етиши лозимлиги кенг тушунтирилди. Давлат ва жамиятнинг ўзаро муносабатларида аҳолининг ҳуқуқий маданияти ва ижтимоий фаоллигини юксалтириш, шахсий эҳтиёжлар ҳамда жамият эҳтиёжлари ўртасидаги мувозанатнинг сақланишини таъминлаш борасида Президентимизнинг мазкур Фармони ижроси муҳим аҳамият касб этишини алоҳида таъкидлаб ўтдилар.
Сайёр қабулда овул фуқаролари томонидан содир этилган йўл-ҳаракати ҳодисалари билан боғлиқ жиноятлар ҳақида маълумот берилиб, уларнинг олдини олиш чораларини кўриш кераклиги тушунтирилди. Шунингдек, овул фуқароларининг саволларига батафсил жавоблар берилди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
