“Шукуржон” хусусий-ижодий устахонасида “Обод қишлоқ” дастурига киритилган ҳудудлар лойиҳа-смета ҳужжатлари ишланди

Мамлакатимизда кейинги йиллари шаҳар ва қишлоқларимизни янада обод қилиш бўйича самарали ишлар олиб борилмоқда. Шаҳар ва қишлоқларнинг қиёфаси бунёдкорлик ишлари натижасида таниб бўлмас даражада ўзгармоқда. Туманимизда ҳам “Обод қишлоқ” дастурига мувофиқ жуда катта қурилишлар, ўзгаришлар амалга оширилмоқда.

“Шукуржон” хусусий-ижодий устахонаси жамоаси томонидан Қорақалпоғистон Республикаси Вазирлар Кенгаши ва туман ҳокимлиги белгилаб берган вазифалар асосида дастурга киритилган ҳудудларнинг бош режа схемалари тайёрланди. Асосий кўчалар бўйлаб жойлашган турар-жойлар, бино ва иншоотлар ташқи кўринишларининг олдинги ва кейинги ҳолати кўрсатилган ёйилмалар батафсил ишлаб чиқилди. Туман ободонлаштириш бўлими ва фуқаролар ҳисобидан турар жойларнинг томини янгилаш ва ташқи қисмини пардозлаш бўйича лойиҳа-смета ҳужжатлари тайёрлаб берилди.

Ўтган йили “Обод қишлоқ” дастурига киритилган марказлашган маблағлар ҳисобидан бажариладиган объектлар Назархон овулидаги қишлоқ врачлик пункти, 3-сонли умумтаълим мактаби ва 10-сонли мактабгача таълим муассасаси, Қипчоқ шаҳарчасидаги 11-сонли умумтаълим мактабини капитал таъмирлаш ҳамда 2-сонли мактабгача таълим муассасасини реконструкция қилиш бўйича лойиҳа-смета ҳужжатлари, шунингдек, маҳаллий бюджет маблағлари ҳисобидан Назархон овули ва Қипчоқ шаҳарчаси маъмурий биноларини капитал таъмирлаш ва шу каби бошқа бир қанча бино, иншоотларни жорий таъмирлаш лойиҳалари тайёрланди.

Мазкур йилда ижодий устахона жамоаси томонидан “Обод қишлоқ” дастурига киритилган учта қишлоқ, яъни Бештом маҳалласи Чойкўл ва Қиличбой овулларининг бош режа схемалари тайёрланди. Ўтган йилдагидек асосий кўчалар бўйлаб жойлашган турар жойлар, бино ва иншоотлар ташқи кўринишларининг олдинги ва кейинги ҳолати кўрсатилган ёйилмалар батафсил ишлаб чиқилди.

Марказлашган маблағлар ҳисобидан бажариладиган объектлардан Бештом маҳалласида 24-сонли умумтаълим мактабини капитал таъмирлаш, Чойкўл овулида 22-сонли 540 ўринли умумтаълим мактабини реконструкция қилиш, 60 ўринли 16-сонли мактабгача таълим муассаси, 90 ўринли 36-сонли мактабгача таълим муассасасини реконструкция қилиш, 50 ўринли 30-сонли мактабгача таълим муассасасини капитал таъмирлаш, Қиличбой овули ҳудудидаги 554 ўринли 34-сонли умумтаълим мактабини реконструкция қилиш ҳамда 60 ўринли 22-сонли мактабгача таълим муассасаси, 125 ўринли 27-сонли мактабгача таълим муассасаларини реконструкция қилиш бўйича лойиҳа-смета ҳужжатлари тайёрланди. Айни пайтда шу смета асосида пудратчилар томонидан қурилиш ишлари олиб борилмоқда.

Маҳаллий бюджет маблағлари ҳисобидан қуриладиган Бештом маҳалласи, Чойкўл ва Қиличбой овулларининг маъмурий биноларини капитал таъмирлаш ҳамда тадбиркорлар томонидан қуриладиган савдо, маиший хизмат кўрсатиш бино ва иншоотларининг лойиҳа-смета ҳужжатлари ҳам тайёрлаб берилди.

Ҳозирги кунда ҳусусий корхонада 16 нафар малакали муҳандис ва архитекторлар меҳнат қилмоқда. Корхонамиз фаолият олиб бориш учун зарур бўлган замонавий компьютер ва ташкилий техникалар, плоттер ва принтерлар билан таъминланган. Лойиҳалар “CorelDRAWx3” ва “AutoCAD” дастурлари асосида, смета ҳужжатлари эса “TN qurilish” дастурлари асосида ишланмоқда.

Юртимизда дунёга донғи кетган меъмор ва қурувчилар яшаб ўтган. Минг йиллар мобайнида ўз кўркини йўқотмаган тарихий обидаларимиз ҳалига қадар жаҳон аҳлини лол қолдириб келмоқда. Биз ҳам аждодларимиз изидан бориб, уларга муносиб бўлишга ҳаракат қиламиз.

Х.ЎРОЗОҚОВ, лойиҳалар бош муҳандиси.