ИЧКИ КЎЧАЛАPНИ ТАЪМИPЛАШ ЮЗАСИДАН МАХСУС ТАКТИК-ЎҚУВ МАШҒУЛОТЛАPИ ЎТКАЗИЛДИ (+ Видео)

Мамлакатимизда шаҳарлар ва қишлоқ аҳоли пунктларининг замонавий қиёфасини шакллантириш, йўл-транспорт ва муҳандислик-коммуникация инфратузилмасини яхшилаш мақсадида уларни реконструксия ва модернизация қилиш борасида кенг кўламли чора-тадбирлар амалга оширилмоқда.

Бу йўналишдаги ишларни изчил амалга ошириш мақсадида “Обод қишлоқ” ва “Обод маҳалла” Давлат дастурлари доирасида Қорақалпоғистон Pеспубликаси шаҳар ва туманларда жойлашган маҳаллалардаги ички кўчаларнинг ҳолатини яхшилаш ва таъмирлаш юзасидан махсус-тактик ўқув машғулотлари ташкил қилинмоқда. Туманимизда ҳам шундай ўқув машғулотлари ўтказилди.

Ўқув машғулотлари Ўзбекистон Pеспубликаси Президентининг “Обод қишлоқ давлат дастури тўғрисида”ги ҳамда “Обод маҳалла давлат дастури тўғрисида”ги фармонлари ижросини таъминлаш ва қишлоқ аҳоли пунктларининг меъморий қиёфасини тубдан янгилаш мақсадида ташкил қилинди.

Машғулотлардан асосий мақсад – ҳудудларни комплекс ривожлантириш, йўл-транспорт инфратузилмасини барпо қилиш орқали аҳолининг турмуш маданиятини юксалтиришдир.

Машғулотлар доирасида асосий эътибор жорий йилнинг 22 декабрь куни ўтказиладиган сайлов жараёнида аҳолига енгилликлар яратиш, бу борада шаҳар ва туманларда жойлашган энг узоқ ҳамда бориш қийин бўлган сайлов участкалари ҳудудидаги ички хўжалик йўллари ҳолатини яхшилашга катта эътибор қаратилмоқда.

Амударё туманидаги машғулотлар унда иштирок этувчи масъуллар йиғилиши ва махсус техникалар намойиши билан бошланиб, амалий ишлар туманнинг олис ҳудудлари, хусусан Холимбег ва Куюк  кўпир овулларида давом эттирилди.

Айтиш керакки, йўл хўжалиги ижтимоий ва иқтисодий жиҳатдан юксак аҳамиятга эга. Нафақат иқтисодиёт ривожи, балки аҳоли барча қатламларининг ҳаёт сифати айни шу тизимнинг самарали фаолият кўратишига боғлиқ.

Шу мақсадда туман ҳокимлиги ва Фавқулодда вазиятлар бўлими томонидан ташкил қилинган амалий машғулотлар давомида Холимбег овули ҳудудида жойлашган 17-сонли мактаб биносига ва Куюк кўпир овулида жойлашган 19- ва 14-сонли мактаблар биноларига олиб борувчи йўллар шағал тош ётқизилди.  

Ўтказилган амалий машғулотларга жами 37 та техника ва 103 нафар фуқаролар сафарбар қилинди. Бундан ташқари, қиш мавсумида аҳолининг иситиш воситаларига талаби ортиши инобатга олиниб, машғулотлар давомида аҳолига суюлтирилган газ баллонлари тарқатилди.

Шуни алоҳида таъкидлаш керакки, туманда фавқулодда вазиятлардан огоҳлантириш ва бундай ҳолатлар юз берганда ҳаракат қилиш бўйича самарали тизими яратилган. Аҳоли пунктларида коммунал хизматларни куз-қиш даврида барқарор ишлашга тайёрлаш бўйича зарур ишлар асалга оширилди. Бу жараёнда фавқулодда вазиятлар бўлими тумандаги барча коммунал хизматлар ташкилотлари билан ҳамкорликни йўлга қўйиб, қиш мавсумини беталофат ўтказиш бўйича штаб ташкил этилди ва мазкур штаб самарали фаолият олиб бормоқда.

Бу каби тадбирлардан асосий мақсад аҳоли учун қулайликлар яратиш ва юзага келиши мумкин бўлган фавқулодда вазиятларнинг олдини олиш бўлиб ҳисобланади.

Чарос АPСЛОНОВА, туман ҳокимлиги ахборот хизмати раҳбари.