ТУМАНДА ТАҚИҚЛАНГАН ҲУДУДЛАPДА БАЛИҚ ОВЛАГАН БPАКОНЬЕPЛАPДАН ЕТКАЗИЛГАН ЗАPАP УНДИPИЛДИ

Браконерликка қарши кураш ойи деб эълон қилинган май ойи давомида Экология қўмитаси тизимидаги инспекторлар республиканинг барча ҳудудлари бўйлаб, ноқонуний ов ва балиқ овлаш билан шуғулланадиган қонунбузарларга ва ўсимлик дунёсидан ноқонуний фойдаланган, дарахт ва буталарни рухсатсиз кесган ҳуқуқбузарларга қарши кескин кураш ишларини олиб бордилар. Ўзбекистон  Pеспубликаси  Адлия Вазирлигида 2006 йил 2 майдаги 1569-сон билан рўйхатдан ўтказилган “Ўзбекистон  Pеспубликаси  ҳудудида ов қилиш ва балиқ овлаш қоидалари” талабларига асосан ҳамда балиқ ресурсларидан оқилона фойдаланиш юзасидан Ўзбекистон  Pеспубликаси  Экология ва атроф-муҳитни муҳофаза қилиш давлат қўмитаси раисининг 70-сонли буйруғи, шунингдек, Қорақалпоғистон Pеспубликаси  Экология ва атроф-муҳитни муҳофаза қилиш қўмитаси раисининг 69-сонли буйруғи ижросини таъминлаш мақсадида туманимиз ҳудудида Экология инспекцияси ходимлари томонидан мунтазам равишда тегишли чоралар кўрилиб борилди.

Маълумки,  Қорақалпоғистон Pеспубликаси сув ҳавзаларида жорий йилнинг  25 апрелидан 10 июнга қадар, Амударё  сув ҳавзасида ҳам 10 мартдан 31 майга қадар,   бошқа барча сув ҳавзаларида 16 апрелдан 31 майга қадар балиқ овлаш қатъиян тақиқлаб қўйилди. Лекин шунга қарамасдан  туманимиз ҳудудида айрим фуқаролар томонидан ноқонуний равишда Pеспубликамизда тақиқланган ов қуроллари билан балиқ овлаш ҳолатлари учрамоқда.

Туманимиз ҳудудида бу бўйича Экология ва атроф-муҳитни муҳофаза қилиш қўмитаси туман инспекцияси инспекторлари Н.Узақбоев, Х.Соатов, Х.Аллаберганов  томонидан ўтказилган рейд-назорат тадбирлари давомида Амир Темур номли овулда яшовчи фуқаро ҳудуддаги коллектордан ноқонуний равишда  тақиқланган ов қуроли 1 дона капрон тўр ёрдамида 10 та судак балиқларини овлаганлиги  аниқланди. Вазирлар Маҳкамасининг 290-сонли қарори 2-бўлимининг 14-иловасига асосан  ҳуқуқбузар томонидан табиатга етказилган зарари миқдори 4 млн. 460 минг сўм деб топилди. Туман Маъмурий суди томонидан ушбу иш кўриб чиқилиб,   МЖтКнинг 90-моддаси 4-қисмига кўра етказилган зарар ҳуқуқбузардан давлат ҳисобига ундириш белгиланди.
 Навбатдаги экологик рейд тадбири давомида Қиличбой овулида яшовчи 3 нафар фуқаро худуддан оқиб ўтувчи коллектордан ноқонуний равишда  тақиқланган ов қуроли 2 дона капрон тўр ёрдамида жами 73 дона, шундан 49 дона леш, 12 дона сазань, 11 дона ок амур, 1 дона илон балиқларини овлаганлиги  аниқланди. Хуқуқбузарларга нисбатан тегишли ҳужжатлар  расмийлаштирилиб, табиатга етказилган зарари  миқдори 21 млн. 943 минг сўм деб ҳисобланди ва туман Маъмурий суди томонидан уларга нисбатан тегишли жазо тайинланди.

Экологик рейд тадбири Холимбег овулида давом эттирилганида ҳудуддан ўтувчи  коллектордан овулда яшовчи бир фуқаро ноқонуний равишда  тақиқланган ов қуроли 2 дона лескали тўр ёрдамида 23 дона балиқ овлашга улгурганлиги маълум бўлди. Хуқуқбузарнинг табиатга етказган зарари  миқдори 3 млн. 389 минг сўмдан ортиқ деб ҳисобланиб, ушбу маблағ суд қарорига кўра давлат ҳисобига ундирилди.

Айни дамда пандемия даврида янада сергакроқ бўлиб, кўчага сабабсиз чиқмаслик талаб қилинаётган бир пайтда ўзбошимчалик билан табиатга зарар етказиш, балиқ овлаш давлат, халқ мулкини талон-тарож қилиш билан тенг. Белгиланган тартиб-қоидаларга зид ҳаракат қилган ҳуқуқбузарлар, албатта, ўз жазосини олади.

Ҳ.Соатов, Экология ва атроф-муҳитни муҳофаза қилиш қўмитаси туман инспекцияси бош мутахассиси.
Х.Алламберганов, Экология ва атроф-муҳитни муҳофаза қилиш қўмитаси туман инспекцияси 1-даражали инспектори.