TUMANDA TAQIQLANGAN HUDUDLAPDA BALIQ OVLAGAN BPAKONEPLAPDAN YeTKAZILGAN ZAPAP UNDIPILDI

Brakonerlikka qarshi kurash oyi deb eʼlon qilingan may oyi davomida Ekologiya qoʻmitasi tizimidagi inspektorlar respublikaning barcha hududlari boʻylab, noqonuniy ov va baliq ovlash bilan shugʻullanadigan qonunbuzarlarga va oʻsimlik dunyosidan noqonuniy foydalangan, daraxt va butalarni ruxsatsiz kesgan huquqbuzarlarga qarshi keskin kurash ishlarini olib bordilar. Oʻzbekiston  Pespublikasi  Adliya Vazirligida 2006-yil 2-maydagi 1569-son bilan roʻyxatdan oʻtkazilgan “Oʻzbekiston  Pespublikasi  hududida ov qilish va baliq ovlash qoidalari” talablariga asosan hamda baliq resurslaridan oqilona foydalanish yuzasidan Oʻzbekiston  Pespublikasi  Ekologiya va atrof-muhitni muhofaza qilish davlat qoʻmitasi raisining 70-sonli buyrugʻi, shuningdek, Qoraqalpogʻiston Pespublikasi  Ekologiya va atrof-muhitni muhofaza qilish qoʻmitasi raisining 69-sonli buyrugʻi ijrosini taʼminlash maqsadida tumanimiz hududida Ekologiya inspektsiyasi xodimlari tomonidan muntazam ravishda tegishli choralar koʻrilib borildi.

Maʼlumki,  Qoraqalpogʻiston Pespublikasi suv havzalarida joriy yilning  25-aprelidan 10-iyunga qadar, Amudaryo  suv havzasida ham 10-martdan 31-mayga qadar,   boshqa barcha suv havzalarida 16-apreldan 31-mayga qadar baliq ovlash qatʼiyan taqiqlab qoʻyildi. Lekin shunga qaramasdan  tumanimiz hududida ayrim fuqarolar tomonidan noqonuniy ravishda Pespublikamizda taqiqlangan ov qurollari bilan baliq ovlash holatlari uchramoqda.

Tumanimiz hududida bu boʻyicha Ekologiya va atrof-muhitni muhofaza qilish qoʻmitasi tuman inspektsiyasi inspektorlari N.Uzaqboyev, X.Soatov, X.Allaberganov  tomonidan oʻtkazilgan reyd-nazorat tadbirlari davomida Amir Temur nomli ovulda yashovchi fuqaro hududdagi kollektordan noqonuniy ravishda  taqiqlangan ov quroli 1 dona kapron toʻr yordamida 10 ta sudak baliqlarini ovlaganligi  aniqlandi. Vazirlar Mahkamasining 290-sonli qarori 2-boʻlimining 14-ilovasiga asosan  huquqbuzar tomonidan tabiatga yetkazilgan zarari miqdori 4 mln. 460 ming soʻm deb topildi. Tuman Maʼmuriy sudi tomonidan ushbu ish koʻrib chiqilib,   MJtKning 90-moddasi 4-qismiga koʻra yetkazilgan zarar huquqbuzardan davlat hisobiga undirish belgilandi.
 Navbatdagi ekologik reyd tadbiri davomida Qilichboy ovulida yashovchi 3 nafar fuqaro xududdan oqib oʻtuvchi kollektordan noqonuniy ravishda  taqiqlangan ov quroli 2 dona kapron toʻr yordamida jami 73 dona, shundan 49 dona lesh, 12 dona sazan, 11 dona ok amur, 1 dona ilon baliqlarini ovlaganligi  aniqlandi. Xuquqbuzarlarga nisbatan tegishli hujjatlar  rasmiylashtirilib, tabiatga yetkazilgan zarari  miqdori 21 mln. 943 ming soʻm deb hisoblandi va tuman Maʼmuriy sudi tomonidan ularga nisbatan tegishli jazo tayinlandi.

Ekologik reyd tadbiri Xolimbeg ovulida davom ettirilganida hududdan oʻtuvchi  kollektordan ovulda yashovchi bir fuqaro noqonuniy ravishda  taqiqlangan ov quroli 2 dona leskali toʻr yordamida 23 dona baliq ovlashga ulgurganligi maʼlum boʻldi. Xuquqbuzarning tabiatga yetkazgan zarari  miqdori 3 mln. 389 ming soʻmdan ortiq deb hisoblanib, ushbu mablagʻ sud qaroriga koʻra davlat hisobiga undirildi.

Ayni damda pandemiya davrida yanada sergakroq boʻlib, koʻchaga sababsiz chiqmaslik talab qilinayotgan bir paytda oʻzboshimchalik bilan tabiatga zarar yetkazish, baliq ovlash davlat, xalq mulkini talon-taroj qilish bilan teng. Belgilangan tartib-qoidalarga zid harakat qilgan huquqbuzarlar, albatta, oʻz jazosini oladi.

H.Soatov, Ekologiya va atrof-muhitni muhofaza qilish qoʻmitasi tuman inspektsiyasi bosh mutaxassisi.
X.Allamberganov, Ekologiya va atrof-muhitni muhofaza qilish qoʻmitasi tuman inspektsiyasi 1-darajali inspektori.