ЖАНЖАЛКАШ АЁЛ ЖИНОИЙ ЖАВОБГАРЛИККА ТОРТИЛДИ
Мактаб – таълим ва тарбия маскани. Унда ёш авлод илмли бўлиш билан бирга одоб-ахлоқни ҳам ўрганади. Устозлардан олган билимлари билан ҳаётда ўз ўрнини топади ва бир умрга улардан миннатдор бўлишади.
Аммо ёшларга таълим-тарбия бериб келаётган айрим ўқитувчилар ўзаро ҳурмат сақлаш, атрофдагиларга, ўқувчиларга ўрнак бўлиш ўрнига жанжаллашиб, бир-бирига жароҳат етказиб, ҳуқуқбузарлик содир қилса, буни қандай изоҳлаш мумкин?..
Нукус шаҳридаги умумтаълим мактабларидан бирида ўқитувчи бўлиб ишлаб келаётган Сумбулой Қўчқорова (исм-фамилиялар ўзгартирилган) шу мактаб директори ўринбосари Муҳайё Каримова билан ўрталаридаги ўзаро зиддиятлар сабаб асабийлашди ва буни ҳал қилиш мақсадида унинг хизмат хонасига шиддат билан кириб борди. Унга жаҳл устида ёмон сўзлар айтиб, ҳақорат қилди. Ҳатто стол устида турган Муҳайё Каримовага тегишли бўлган қўл телефонини олиб, шу телефон билан унинг бошига туширди. Тўполонни авжига чиқариб, ҳамкасбини дўппослай бошлади.
Натижада Муҳайё Каримовага соғлиқнинг қисқа муддатга бузилишига сабаб бўлган тан жароҳати, енгил шикаст етказди.
Ҳар томонлама нафақат ёшларга, балки атрофдаги барчага ўрнак, намуна бўлиши керак бўлган Сумбулой Қўчқорова ўзининг бу ҳаракатлари билан Ўзбекистон Республикаси Жиноят Кодексининг 109-моддаси 2-қисмида кўрсатилган жиноятни содир қилганликда айбланди ва тегишли жазога тортилди.
Умида Оразбаева, Нукус шаҳар ИИО ФМБ 1-сон ИИБ ҳузуридаги Тергов гуруҳи терговчиси, майор.
(Иллюстратив фото)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
