ВОЯГА ЕТМАГАНЛАР ИШЛАРИ БЎЙИЧА ИДОРАЛАРАРО КОМИССИЯ ЙИҒИЛИШИ ЎТКАЗИЛДИ
Туман ҳокимлиги мажлислар залида вояга етмаганлар ишлари бўйича туман идоралараро комиссиясининг навбатдаги йиғилиши бўлиб ўтди.
15 февраль куни ўтказилган ушбу йиғилишда мактаблардаги давомат ва вояга етмаганларнинг хорижий давлатларга рухсатсиз чиқиб кетишининг олдини олишга доир масала кўриб чиқилди. Унда туман ҳокими ўринбосари, Вояга етмаганлар ишлари бўйича Амударё тумани идоралараро комиссия раисининг ўринбосари М.Шерметов, комиссия масъул котиби Ж.Холмуродов ҳамда комиссиянинг бошқа аъзолари, таълим муассасаси, фуқаролар йиғини масъуллари, ўқитувчилар иштирок этдилар.
Йиғилишда Вояга етмаганлар ишлари бўйича Амударё тумани идоралараро комиссия раисининг ўринбосари М.Шерметов мамлакатимизда вояга етмаганларнинг манфаатлари ва ҳуқуқларини ҳимоя қилиш, улар тарбиясига, комил инсонлар бўлиб вояга етишларига алоҳида эътибор қаратиш муҳим вазифалардан бири ҳисобланишни таъкидлаб, Президентимиз раҳнамолигида ёшлар, айниқса, вояга етмаганларни ҳар томонлама қўллаб-қувватлаш, уларнинг ҳуқуқ ва эркинликларини таъминлашга қаратилган изчил ишлар амалга оширилаётгани хусусида алоҳида тўхталди.
Шунингдек, масъуллар тумандаги умумтаълим мактабларидан бирида юқори синфда таълим олаётган ўқувчини онаси таълим олишига имконият яратиб бериш ўрнига эътиборсизлик қилиб, Россия федерациясига жўнатиб юборганлиги, ушбу хатти-ҳаракатларнинг қонунга зидлиги, ўтган давр мобайнида ўқувчининг мунтазам равишда, ҳеч қандай сабабсиз дарсларга қатнашмай келаётганлиги, бунинг сабаблари муҳокама қилинди. Ушбу ҳолат бўйича ўқувчининг онаси, ўқитувчи ва мактаб масъулларининг изоҳлари тингланди. Комиссия масъуллари вояга етмаганларнинг таълим-тарбиясида уларнинг ота-оналарининг ўрни ва маъсулияти тўғрисида тушунчалар бериб ўтди.
Шундан сўнг, ота-оналарга вояга етмаганларнинг таълим-тарбиясида йўл қўйган камчиликларига нисбатан маъмурий чора қўлланилиши маълум қилинди.
Йиғилишда муҳокама этилган масалалар юзасидан тегишли чора-тадбирлар белгиланди.
Ж. Холмуродов, Вояга етмаганлар ишлари бўйича
Амударё тумани идоралараро комиссия масъул котиби.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
