ҲАРБИЙ ХИЗМАТЧИЛАР УЧУН САЙЁР ҚАБУЛ ЎТКАЗИЛДИ
Нукус ҳарбий прокуратураси томонидан Нукус шаҳрида ўтказилган сайёр қабулда масъуллар Қорақалпоғистон Республикаси ДХХ Чегара қўшинларига қарашли ҳарбий қисмларда хизмат қилаётган ҳарбий хизматчилар ҳамда уларнинг оила аъзолари билан учрашди.
Тадбирда иштирок этган масъуллар Қорақалпоғистон Республикаси ДХХ Чегара қўшинларига қарашли ҳарбий қисмларида хизмат қилаётган ҳарбий хизматчиларни қўллаб-қувватлаш борасида амалга оширилаётган чора-тадбирлар хусусида сўз юритди. Фуқароларнинг ҳуқуқлари, эркинликлари ва қонуний манфаатларини ҳимоя қилиш, энг аввало одамлар билан, халқ билан мулоқот қилиш, уларнинг дарду-ташвишлари, орзу-ниятлари, ҳаётий муаммо ва эҳтиёжларини яхши билиш кераклиги, халқ давлат идораларига эмас, давлат идоралари халқимизга хизмат қилиши кераклигини таъкидлади.
Мазкур тадбирда Қорақалпоғистон Республикаси Хўжайли тумани ҳокимининг хотин-қизлар масалалари бўйича маслаҳатчиси, тумандаги Аҳоли бандлигига кўмаклашиш маркази, Ички ишлар бўлими ва ҳарбий қисм масъуллари иштирок этиб, ҳарбий хизматчилар ва уларнинг оила аъзолари томонидан қилинган мурожаатларнинг ижобий ҳал қилинишига кўмаклашдилар. Асосан имтиёзли уй-жой харид қилиш учун кредит олиш, хизмат жойини бошқа ҳудудга ўзгартириш, бандлигини таъминлаш ва бошқа масалаларда бўлган мурожаатларга ечим топиш бўйича тегишли мутасаддиларга топшириқлар берилди.
Д.Турумбаев, Нукус шаҳар ҳарбий прокуратураси прокурори ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
