АМУДАРЁЛИК АЗИЗА ТОШКЕНТДАГИ СИНГАПУР МЕНЕЖМЕНТНИ РИВОЖЛАНТИРИШ ИНСТИТУТИ ТАЛАБАСИ БЎЛДИ
Мустақиллик ёшларга улкан имкониятлар эшикларини очди. Халқимиз тарихида ёшларга бу қадар улкан эътибор берилган давр бўлмаган десак, асло муболаға эмас. Зеро, ҳар қандай мамлакат тараққиётини унда ёш авлод камолига қаратилган эътибор белгилайди. Боиси, ёшлар келажак эгаларидир. Жадал ривожланиш ва ўзгаришлар содир бўлаётган юртнинг келажагининг ривожланишида ёшларнинг ўрни беқиёсдир.
Юртдошимиз Азиза Зарипова ҳам мамлакатимизда ёшлар учун яратилган барча имкониятлардан фойдаланиб, ўз иқтидорини юксалтиришга ҳаракат қилди. У жорий йилда тумандаги 16-Ихтисослаштирилган Давлат умумтаълим мактабини аъло баҳоларга тугатди. Инглиз тилига жуда қизиққан Азиза кичик синфдалигидан бошлаб, ушбу тилни чуқур ўрганишга ҳаракат қилди. Билимлар беллашуви, Фан олимпиадаларида қатнашиб фахрли ўринлар ғолиблигига эга бўлди. Махсус курсларда таҳсил олиб, билимини, тил бойлигини оширди ва синовлардан ўтиб, халқаро даражадаги IELTS сертификатига эга бўлди. Шундан сўнг, Тошкентдаги Сингапур Менежментни ривожлантириш институтига ҳужжат топширди ва имтиҳонлардан ўтиб, мактаб партасиданоқ талабаликка қабул қилинди.
Ҳеч биримизга сир эмас, мамлакатимизда ёшларнинг ҳар томонлама юксак салоҳиятли инсон бўлиб камол топиши йўлида изчил ислоҳотлар амалга оширилмоқда. Ушбу ислоҳотларнинг ижобий натижасини бугунги кун ёшларининг жамиятда муносиб ўрин эгаллашга бўлган иштиёқи ва эришаётган ютуқларида кўришимиз мумкин.
Кейинги йилларда юртимизда таълим-тарбия тизимига жорий этилаётган ислоҳотлар туфайли соҳада ижобий натижалар қўлга киритилмоқда. Ўсиб келаётган ёш авлод ҳар томонлама маънан ва жисмонан ақлий билимга эга бўлишлари учун барча таълим масканларида қулай имкониятлар яратиб берилган.
Таълим, фан, спорт, санъат соҳасида халқаро синовларда муносиб ўрин эгаллаётган ёшлар бунинг яққол далилидир. Келажак давомчилари бўлган ёшлар ушбу имкониятлардан унумли фойдаланиб, касб танлашда адашмасдан, устозлари берган билимларни тўлиқ ўзлаштириб келаётган ёшларнинг сафи тобора ортиб бормоқда.
Азиза ҳам ёшлигидан китоб ўқишга жуда қизиқди. Тошкентдаги Вестминстер институтида таҳсил оладиган акасига ҳавас қилиб, унга ўхшашга ҳаракат қилди. Шунингдек, ота-онасининг берган тўғри тарбияси уни шу даражага етишишининг асосий сабабидир. Азизанинг ҳаётда шундай ютуққа муносиб кўрилишида устоз-мураббийларнинг ҳам ўрни катта. Қачонки инсон ҳаракатдан, ўқиб-изланишдан тўхтамаса, олдига қўйган мақсадларига эришади.
Азизадан барча ёшлар ўрнак олса арзийди. Ёш бўлишига қарамасдан, бундай натижага эришган тенгдошимизга ўқиш ва ишларида зафарлар тилаймиз.
Севара ИСМОИЛОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
