ТУМАНДАГИ «МАДАД» ҲУҚУҚИЙ МАСЛАҲАТ БЮРОСИ САМАРАЛИ ФАОЛИЯТ ЮРИТМОҚДА
Мамлакатмизда аҳолининг ҳуқуқий онги ва ҳуқуқий маданиятини юксалтиришга, жамиятда фуқароларнинг ҳуқуқий саводхонлик даражасини оширишга, аҳолига бепул юридик ёрдам кўрсатиш тизимини янада такомиллаштиришга алоҳида эътибор қаратиб келинмоқда.
2019 йил 6 сентябрь санасида қабул қилинган Ўзбекистон Республикаси Вазирлар Маҳкамасининг «Аҳолига ҳуқуқий ахборотни етказиш ва юридик ёрдам кўрсатиш тизимини янада такомиллаштириш чора-тадбирлари тўғрисида»ги қарори бу борадаги ишлар самарадорлигини оширишда муҳим дастуруламал бўлмоқда.
Ушбу қарорга мувофиқ ҳудудларда, «Мадад» - муассаса шаклидаги нодавлат нотижорат ташкилоти Амударё туманидаги ҳуқуқий маслаҳат бюроси ташкил этилган эди.
Ҳозирги кунда туман Давлат хизматлари маркази биносида фаолият юритаётган мазкур бюро томонидан қатор самарали ишлар қилинмоқда. Хусусан, бюро мутахассислари аҳолига бепул ҳуқуқий маслаҳат ҳамда амалий ҳуқуқий ёрдам кўрсатиб келинмоқда. Фуқароларга бевосита ҳамда онлайн режимда бепул ҳуқуқий маслаҳат берилиб, бирламчи юридик ёрдам кўрсатилмоқда. Қолаверса, ташкил этилаётган самарали ишлар натижасида аҳолининг ҳуқуқий онги ва ҳуқуқий маданиятини юксалтиришга кўмаклашилмоқда.
«Мадад» - муассаса шаклидаги нодавлат нотижорат ташкилоти Амударё туманидаги ҳуқуқий маслаҳат бюроси бош мутахассиси Нилуфар Жуманиязова томонидан ҳар куни камида 10-15 нафар фуқароларга турли масалалар юзасидан ҳуқуқий маслаҳат ва тушунтиришлар берилади. Жумладан, фуқаролар томонидан меҳнат муносабатлари, пенсия ва ижтимоий ҳимоя, оилавий масалалар, суд-ҳуқуқ соҳасига оид, уй-жой масалаларига тааллуқли бўлган ҳуқуқий маслаҳат ҳамда тушунтиришлар берилмоқда.
Алоҳида такидлаш керакки, аҳоли томонидан бепул юридик ёрдам олишни янада қулайлаштириш мақсадида илғор хориж тажрибасидан фойдаланган ҳолда махсус яратилган ҳуқуқий ахборот портали имкониятларидан ҳам самарали фойдаланилмоқда.
Фуқаролар ҳуқуқий масалаларга оид саволлар бўлса, «Мадад» нодавлат нотижорат ташкилотининг Ҳуқуқий маслаҳат бюролари ҳудудий бюроларига мурожаат қилишлари мумкин. Қолаверса, аҳолида онлайн тарзда бепул ҳуқуқий маслаҳат олиш имконияти ҳам мавжуд. Фуқаролар махсус сайт орқали саволларини йўллашлари ҳамда барча саволларга ҳуқуқшунос жавобини олишлари мумкин.
Қайд этиш жоизки, “Мадад” муассасининг самарали фаолияти натижасида аҳолига бепул юридик ёрдам кўрсатишнинг инновацион тизими яратилмоқда, мурожаатларни кўриб чиқиш билан боғлиқ харажатларнинг қисқаришига ёрдам берилмоқда, фуқароларнинг ҳамда давлат органлари ва ташкилотлари ходимларининг вақти тежалмоқда.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
