ТАЪЛИМ-ТАРБИЯДА УСТОЗ ВА МУРАББИЙЛАРНИНГ ҲИССАЛАРИ БЕҚИЁС
Бугунги кунда мамлакатимизда таълим-тарбия тизимининг сифати ва самарадорлигини ошириш, халқ таълими ва илм-фан соҳаси ўртасида яқин ҳамкорлик ва интеграцияни, таълимнинг узвийлиги ва узлуксизлигини таъминлашга алоҳида эътибор қаратилмоқда.
Бу борада туман Халқ таълими бўлими фаолияти ҳам таҳсинга муносиб. Ҳозирда бўлимга қарашли жами 86 та таълим муассасаси, жумладан 82 та умумтаълим мактаблари, 1 та бошланғич мактаб, 2 та ихтисослаштирилган мактаб, 1 та “Баркамол авлод” мактаби фаолият олиб бормоқда. Уларда жами 4206 нафар ўқитувчилар фарзандларимизга таълим-тарбия бериб келмоқда. Ўқитувчиларнинг 68,4 фоизи аёл-қизлар бўлиб, жами педагог-ходимларнинг 123 нафари олий тоифали, 511 нафари 1-тоифали, 1114 нафари 2-тоифали, 1873 нафари мутахассис ўқитувчилардан иборат.
Жорий йилда умумтаълим муассасаларининг моддий-техник базасини мустаҳкамлаш борасида самарали ишлар қилинмоқда. Инвестиция дастурига биноан 35-сонли мактабда 4 млрд. 667 млн. сўмлик капитал реконструкция ва мукаммал таъмирлаш ишлари, “Обод қишлоқ” дастурига биноан 5 та мактабда 9 млрд. 842 млн. сўмлик қурилиш-таъмирлаш ишлари, маҳаллий бюджет маблағлари ҳисобидан 28-сонли умумтаълим мактабида 609 млн. сўмлик жорий таъмирлаш ишлари амалга оширилди. Айни пайтда туманимизда фаолият юритаётган барча умумтаълим мактабларида замон талабларига мос равишда таълим бериш учун барча шароитлар етарли.
Янги 2021-2022 ўқув йили ҳамда куз-қиш мавсумига тайёргарлик ишлари бўйича 65 та таълим муассасаларига режадаги 1675 тонна кўмир маҳсулотлари тўлиқ етказиб берилди. Умумтаълим мактаблари янги ўқув йилига тайёр ҳолатга келтирилди.
2020-2021 ўқув йилида 30-сонли ва 40-сонли умумтаълим мактаблари Халқаро тадқиқотларга йўналтирилган таянч мактаб қилиб белгиланиб, ўқув йили бошида барча мактаблардан 2 нафардан тренер-ўқитувчилар тайёрланди. Халқаро тадқиқотларга йўналтирилган таянч мактабларнинг уларга бириктирилган мактаблар билан ишлаш механизми ишлаб чиқилди ҳамда семинар-тренинглар ташкил этилди.
Умумтаълим мактабларида 2020-2021-ўқув йилида жами 2978 нафар ўқувчи 11-синфни битирди ва 9 нафар битирувчиларимиз олтин, 8 нафар битирувчиларимиз кумуш медаль билан муваффақиятли тамомладилар. Соҳада ташкил этилаётган самарали ишлар натижасида умумтаълим мактабларини тамомлаган ёшларимизнинг ОТМларга ўқишга кириш даражаси йилдан-йилга ортиб бормоқда. Жорий йилги битирувчи ўқувчилардан 2103 нафари ОТМларга ҳужжат топширган бўлса, уларнинг 574 нафари талаба бўлиш бахтига муяссар бўлишди.
Бундай натижага эришишимизда, шубҳасиз, таълим масканларида машаққатли меҳнат қилаётган устоз ва мураббийларимизнинг ҳиссаси беқиёс. Шу фурсатдан фойдаланиб, машаққатли ва шарафли касб эгалари – устоз ва мураббийларни 1 октябрь – Ўқитувчи ва мураббийлар куни билан самимий муборакбод этаман!
Акмал Исмаилов,
туман ХТБ мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
