40-сонли мактабда қорақалпоқ тили байрамига бағишланган тадбир ўтказилди
Тил – миллатнинг бойлиги, беназир қадрияти ва бебаҳо мулки ҳисобланади. Тилда ана шу тилнинг ижодкори бўлган халқ, элатнинг тарихи ва маданияти,урф-одатлари акс этади.
Мустақиллигимиз шарофати билан 1989 йил 1 декабрь куни Қорақалпоқ тилига давлат тили мақоми берилди. Ҳар йили Қорақалпоғистон Республикасида бу сана кенг нишонланиб келинади.
1 декабрь куни “ Қорақалпоқ тилига давлат тили мақоми берилган кун”нинг 32 йиллиги муносабати билан 40-сонли умумтаълим мактабида “ Тил миллеттинг айнаси ” мавзусида тадбир бўлиб ўтди. Тадбирда мактаб ўқувчилари томонидан қорақалпоқ тилида шеърлар ва қўшиқлар ижро қилинди.
Қорақалпоғистон Республикасида ўзбек тили ва қорақалпоқ тили давлат тили сифатида юритилиб келинмоқда. Бутун дунё бўйлаб қорақалпоқлар 1 декабрь кунида она тили байрамини нишонлашади. Қорақалпоқлар – туркий халқ бўлиб, дунё бўйича умумий 800 мингдан зиёдни ташкил қилади. Миллатнинг номи қадимда улар кийган бош кийимга бориб тақалади. Қорақалпоқ тили турк тиллар оиласининг қипчоқ гуруҳига киради.
У қозоқ ҳамда нўғай тилларига яқин, шунчалик яқинки,тадқиқотчилар қорақалпоқ тилини қозоқ тилининг шеваларидан бири деб ҳисоблашади. Қорақалпоқ тилида 400 минг атрофидаги киши гаплашади. Тилда шимоли-шарқий ва жануби-ғарбий лаҳжалар бор.
Тадбирда истеъдодли ўқувчилар томонидан тайёрланган байрам тадбири ва саҳна кўринишлари йиғилганлар кайфиятини кўтарди. Бундан ташқари, қорақалпоқ тили ўқитувчилари Шоира Шомуратова, Гавҳар Каромаддинова, Зеваржон Адилбоева, Умида Йўлдашева, Замира Худойбергановалар очиқ дарслар ва интерактив ўйинлар ташкил қилиб, ўқувчиларга қорақалпоқ тилининг бой маданий мероси, урф-одатлари бўйича маълумотлар беришди.
М.Раҳматуллаева, 40-сонли умумтаълим мактабнинг маънавий-марифий ишлар бўйича директор ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
