40-sonli maktabda qoraqalpoq tili bayramiga bagʻishlangan tadbir oʻtkazildi

Til – millatning boyligi, benazir qadriyati va bebaho mulki hisoblanadi. Tilda ana shu tilning ijodkori boʻlgan xalq, elatning tarixi va madaniyati,urf-odatlari aks etadi.
Mustaqilligimiz sharofati bilan 1989-yil 1-dekabr kuni Qoraqalpoq tiliga davlat tili maqomi berildi. Har yili Qoraqalpogʻiston Respublikasida bu sana keng nishonlanib kelinadi.

1-dekabr kuni “ Qoraqalpoq tiliga davlat tili maqomi berilgan kun”ning 32 yilligi munosabati bilan 40-sonli umumtaʼlim maktabida “ Til milletting aynasi ” mavzusida tadbir boʻlib oʻtdi. Tadbirda maktab oʻquvchilari tomonidan qoraqalpoq tilida sheʼrlar va qoʻshiqlar ijro qilindi.

Qoraqalpogʻiston Respublikasida oʻzbek tili va qoraqalpoq tili davlat tili sifatida yuritilib kelinmoqda. Butun dunyo boʻylab qoraqalpoqlar 1-dekabr kunida ona tili bayramini nishonlashadi. Qoraqalpoqlar – turkiy xalq boʻlib, dunyo boʻyicha umumiy 800 mingdan ziyodni tashkil qiladi. Millatning nomi qadimda ular kiygan bosh kiyimga borib taqaladi. Qoraqalpoq tili turk tillar oilasining qipchoq guruhiga kiradi.

U qozoq hamda noʻgʻay tillariga yaqin, shunchalik yaqinki,tadqiqotchilar qoraqalpoq tilini qozoq tilining shevalaridan biri deb hisoblashadi. Qoraqalpoq tilida 400 ming atrofidagi kishi gaplashadi. Tilda shimoli-sharqiy va janubi-gʻarbiy lahjalar bor.

Tadbirda isteʼdodli oʻquvchilar tomonidan tayyorlangan bayram tadbiri va sahna koʻrinishlari yigʻilganlar kayfiyatini koʻtardi. Bundan tashqari, qoraqalpoq tili oʻqituvchilari Shoira Shomuratova, Gavhar Karomaddinova, Zevarjon Adilboyeva, Umida Yoʻldasheva, Zamira Xudoyberganovalar ochiq darslar va interaktiv oʻyinlar tashkil qilib, oʻquvchilarga qoraqalpoq tilining boy madaniy merosi, urf-odatlari boʻyicha maʼlumotlar berishdi.

M.Rahmatullayeva, 40-sonli umumtaʼlim maktabning maʼnaviy-marifiy ishlar boʻyicha direktor oʻrinbosari.