РАСМИЙ ҲУЖЖАТЛАРГА АПОСТИЛЬ ҚЎЙИШ ТАРТИБИ ЯНАДА ТАКОМИЛЛАШТИРИЛМОҚДА
Ўзбекистон Республикаси Президентининг “Хорижий расмий ҳужжатларни легаллаштириш талабини бекор қилувчи конвенсия қоидаларини амалга ошириш чора-тадбирлари тўғрисида”ги қарорига мувофиқ расмий ҳужжатларга апостил қўйиш бўйича давлат хизматлари кўрсатиш тизимини янада такомиллаштириш мақсадида Ўзбекистон Республикаси Вазирлар Маҳкамасининг 2021 йил 3 декабрда “Расмий ҳужжатларга апостиль қўйиш тартибини янада такомиллаштирш чора-тадбирлари тўғрисида”ги қарори қабул қилинди.
Мазкур ҳужжатга биноан 2022 йил 1 мартдан бошлаб жисмоний ва юридик шахсларга ваколатли давлат органлари томонидан Ўзбекистон Республикаси ҳудудида тузилган расмий ҳужжатларга электрон тарзда “Apostille” махсус штампини қўйиш бўйича давлат хизматини давлат хизматлари марказлари ва Ягона интерактив давлат хизматлари портали орқали кўрсатиш тартиби жорий этилиши кўрсатилди.
Бунда, жисмоний ва юридик шахсларга ваколатли давлат органлари томонидан Ўзбекистон Республикаси ҳудудида тузилган расмий ҳужжатларга анъанавий тарзда апостиль қўйиш бўйича давлат хизматини кўрсатиш тартиби ҳам сақлаб қолиниши белгилаб қўйилди.
Маълумот ўрнида айтиш жоизки, апостиль қўйиш — расмий ҳужжатни имзолаган мансабдор шахснинг имзоси ҳақиқийлигини, имзолаш ваколати мавжудлигини ҳамда ҳужжатни тасдиқлаган муҳр ёки штамп босма изи ҳақиқийлигини тасдиқлаш учун зарур бўлган расмий тартиб-таомил ҳисобланади.
Қарорга илова қилинган Низомга мувофиқ расмий ҳужжатларга апостиль қўйиш бўйича давлат хизмати кўрсатишнинг маъмурий регламенти 2022 йил 1 мартдан бошлаб амалга киритилиши белгиланди. Маркур иловада қуйидагилар назарда тутилган:
1)жисмоний ва юридик шахсларга ваколатли давлат органлари томонидан Ўзбекистон Республикаси ҳудудида тузилган расмий ҳужжатларга электрон тарзда апостиль қўйиш бўйича давлат хизматини давлат хизматлари марказлари ёки ЙИДХП орқали кўрсатиш тартиби;
2)Жисмоний ва юридик шахсларга ваколатли давлат органлари томонидан Ўзбекистон Республикаси ҳудудида тузилган расмий ҳужжатларга анъанавий тарзда апостиль қўйиш бўйича давлат хизматини кўрсатиш тартиби;
3)ариза берувчиларининг мурожаатига кўра, уларга апостиль қўйиш масалалари бўйича апостиль қўйиш масалаларини кўриб чиқиш ваколатига кирадиган ходим ҳамда Давлат хизматлари маркази ходими томонидан маслаҳатлар (маълумотномалар) бериш тартиби;
Шунингдек, қарор билан Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва давлат хизматлари марказлари томонидан ушбу Регламент талаблари ижроси бўйича давлат органлари ва бошқа ташкилотларнинг фаолияти юзасидан доимий назоратни ва мониторингни амалга ошириш белгиланган.
Назокат Аллиязова, туман Давлат хизматлари маркази бош мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
